ГРАДИМИР Е ПОЗНАТ ГРАДИТЕЛ НА ПРИЗЕМНИ И ПОДЗЕМНИ КУЌИ. ВО НЕГОВОТО И СОСЕДСКИТЕ СЕЛА ИМА ИЗГРАДЕНО МНОГУ. БРОЈОТ НЕ ИМ СЕ ЗНАЕ. ВО ДВЕ-ТРИ ОД ПОДЗЕМНИТЕ СĖ УШТЕ ИМА САМОТЕН СТАРСКИ ЖИВОТ, ВО СТАРСКИ МОЛК.

ПОВЕЌЕТО ОД ПРИЗЕМНИТЕ КУЌИ СЕ ЗБРИШАНИ ОД ВРЕМИЊАТА И НЕВРЕМИЊАТА. НЕКОИ ОД НИВНИТЕ КАМЕНИ ЅИДОВИ, ГРЕДИ, ШТИЦИ, ЌЕРПИЧИ И ЌЕРАМИДИ УШТЕ СВЕДОЧАТ ЗА НИВНОТО НЕКОГАШНО ПОСТОЕЊЕ. ПОДЗЕМНИ ИМА ПОВЕЌЕ. ОСВЕН ДВЕ-ТРИ, ДРУГИТЕ СЕ ДАМНА БЕЗЖИВОТНИ. СОЧУВАНИ СЕ И РЕЧИСИ СИТЕ ВСЕЛИВИ, ПРЕД СĖ БЛАГОДАРЕНИЕ НА МЕСТОПОЛОЖБАТА. СОГРАДЕНИ СЕ ВО ОКОЛНИТЕ КАРПЕСТИ РИДОВИ, ПОВЕЌЕТО ДЛАБОКО ВО НИВ. СИТЕ НА ПРИСОЈ, А ДО НИВ СЕ ДОАЃА ПО КОЗЈИ И СТРМНИ ПАТЕКИ.

ГРАДИМИР Е ЗАПАМЕТЕН И КАКО САМ ГРАДИТЕЛ И КАКО ВОДАЧ НА ГРАДИТЕЛСКА ТАЈФА ОД ЗБОР. ПРОЧУЕНА НАДАЛЕКУ ПО СЛАВЕЊЕТО НА ЧАСОТ НА ПОЧНУВАЊЕТО И ЧАСОТ НА ЗАВРШУВАЊЕТО НА ГРАДБИТЕ.

НЕКОИ СĖ УШТЕ ЖИВИ СОВРЕМЕНИЦИ ЈА ПАМЕТАТ И ЧЕСТО ЈА НАВЕДУВААТ НЕГОВАТА ВОДИЛКА:

„ЈАС ГРАДАМ МИР И СПОКОЈ ВО ДОМАШНИ ОГНИШТА“.

ГРАДИМИР Е МЕЃУ ПОСЛЕДНИТЕ ВО НЕГОВОТО И СОСЕДСКИТЕ СЕЛА КОИ ЗАМИНАА НА ОНОЈ СВЕТ.

НАСЛОВИ (СĖ ВО НАСЛОВ), насловна проза, 61