8. Битка со зборови
На фронтот никако да настапи молк. Барем за миг.
Освојувачите на зборови навалуваат, а бранителите на сѐ уште слободните им одвраќаат со интерпункциски знаци фрлајќи ги помеѓу нив и предизвикувајќи неред, речиси хаос. Помеѓу нив сѐ повеќе мртви.
А што е со новите? Кога ќе се вклучат во битката? На кои ќе им се приклучат? И дали се во доволен број за да бидат решавачки?
Зборовите се трошат, се кршат, на местата на мртвите идат живи. Од устите на ранетите освојувачи и бранители сѐ повеќе слогови, согласки, самогласки, восклици, извици и крици.
Неизвесноста трае и секако нема скоро да заврши.
