74. Грев
Македонски народни пословици и изреки
Болнио во болеста најмногу за грео се сеќаа.
Грео не ет нешто живо, ами пак го мачит чоекот.
Дај милостина за греоите да ти се простат.
Дај милостина лебец и чаша студена водица, за поеќе греои да ти се простат.
Да не даваш милостина вино и ракија, оти грео не ти се проштаа.
Исповедан грев не ет грев.
Ни од Бога го грев, ни од чоека го страм.
Тој што кради-еден грев, а тој што губи-два.
Тој што нема страм, нема ни грев.
Пословици и изреки од народи на светот
Нема зoшто да се крие гревот. (Кинеска)
Нема оган без чад, нема човек без грев. (Руска)
Гревот е сладок, но човекот е алчен. (Руска)
Прости си на себеси, па и јас ќе ти простам. (Српска)
Грешна ни душа. (Српска)
Ако се надеваш на простување од оној што е над тебе, биди подготвен ти да им простиш и на оние што се под тебе. (Арапска)
Боже, ослободи нè од грев за такви да најдеме милост во тебе. (Еврејска)
Грешките на други лесно се гледаат. (Англиска)
Грешни има многу, а честити малку. (Индиска)
Латински изреки
Ignoscito saepe alteri, numquam tibi-На други често простувај им, на себеси никогаш.
Mea culpa-Мојо грев. Грев на мојата душа.
Qui differ poenas, peccandi laxat habenas-Кој ја одложува казната, ги попушта уздите на гревот.
Sibi quisque peccat-Секој греши на своја сметка.
Cujusvis hominis est errare-Секој човек може да згреши.
Rare humanum est-Човечки е да се греши.
Домисла, гесло, мисла водилка
Седум смртни гревови:
сладострастие, завист, дрчност, мрзеливост, алчност, гнев и гордост.
Христијанско учење
Рекле, издумале
Нема да станете светец преку гревовите на други.
Антон Павлович Чехов
Најголем грев во однос на ближниот не е омразата, туку рамнодушноста; ова е навистина врв на нечовечноста.
Џорџ Бернард Шо
Секако, суетата ми е омилена од гревовите. Тоа е толку фундаментално, што самољубието е природен лек.
Џон Милтон
Не можеме без своите гревови; тие се главниот пат на нашата добродетел.
Хенри Дејвид Торо
Ако човек се покае за своите гревови, може да се врати во времето кое му било најсреќно. Можеби ова е рајот?
Стивен Кинг
Најголема грешка е да се мисли дека страста и чистата љубов се некомпатибилни. Соединувањето на љубовниците не е грев, а без љубов сè станува грев.
Брајан Рид
Гревот не е во темнината, туку во неподготвеноста на светлината.
Марина Цветаева
Старите гревови имаа долги сенки.
Агата Кристи
Со текот на времето, почнувате да жалите за сите гревови што сте ги направиле, и за уште неколку што не сте ги направиле.
Елизабет Тејлор
Кога станува збор за прашања од религијата, луѓето го преземаат гревот на чудната неискреност и интелектуална некоректност.
Сигмунд Фројд
Животот е премногу краток за човек да може на својот грб да ги прими и туѓите гревови. Секој живеел со свој живот и плаќа за тоа посебна цена. Единствената неволја е тоа што за една грешка мораме да плаќаме повеќе пати.
Оскар Фингал Вајлд
Додека грешката или престапот е сè уште мал и не созреал, уништи го пред да пушти, да рашири гранки и да почне да зрее.
Исак Сирин
Гревот на почетокот во твојата душа е туѓинец, потоа гостин, а кога ќе се навикнеш на него тој станува домаќин.
Лав Николаевич Толстој
Интелигенцијата не е во тоа да не правиме грешки, туку што побрзо да согледаме како да ги претвориме во нешто добро.
Бертолд Брехт
Кога грешниците го признаваат својот грев не очекуваат казна, туку проштевање.
Сомерсет Могам
Љубов без почитување е грев, тоа е грев што раѓа други гревови.
Паоло Мантегаца
Гревот потаен е наполу исплатен.
Џовани Бокачо
Гревовите се само за сиромашниот свет; на нашите дами репутацијата им расте заедно со косата: повеќее грев, поголема чест.
Шарл Морис д` Талејранд
Кај што нема можност, нема ни грев.
Лао–Це
Ништо во толкава мера не го охрабрува гревот како милоста.
Вилјем Шекспир
Толку сте желни да ги судите туѓите гревови. Почнете од вашите и нема да стигнете до другите.
Вилјем Шекспир
Најмногу грев на судниот ден ќе има оној човек што најмногу зборува за она што не се однесува на него.
Ахмед Хадис
Христијанството многу сторило за љубовта правејќи од неа грев.
Анатол Франс
Грешките можат секогаш да се простат доколку сторителот има сила да ги признае.
Брус Ли
Моите грешки се мој живот.
Семјуел Бекет
Кој е без грев, нека се фрли со камен!
Исус Христос
Оставете нека се видат вашите гревови пред луѓето, а сокријте ги своите добродетелства.
Буда
Простете им ги нивните гревови, зашто нивните души се веќе во пеколот.
Салман Ружди
Страдањето и гревот се надополнуваат како калап и неговата излеаност.
Иво Андриќ
Поради престап не вреди каење, туку треба да се направи едно добро дело повеќе.
Фридрих Вилхелм Ниче
