Насобрани во стамен човек
некои далечини
се навестуваат, се откриваат,
се откриваат, се согледуваат
сами од себеси,
а не се догледуваат до крај
на кој он ќе здивне, ќе одмори,
ќе заборави на сè минато
заживувајќи одново.
Не го предизвикуваат,
не го привлекуваат,
не го довикуваат
да продолжи кон нив,
да им се придружи како дел
од нивен сон сосе негов
дека сепак ќе остане
во нечие време делото
негово.
Некои далечини насобрани
во стамен човек
како пред да решат конечно
дали да го остават
да се препознава самиот
во свет на дребнулии за игри
детински,
дали да го напуштат совреме,
пред да почне да ја губи
свесноста
или да му снеможат снага
неизвесните длабини во нив.
ПРЕПЕВ НА ПЕВ И ПОВЕВ, Зрачат сни, поетска инсталација, 8
Важна напомена: Сите права се задржани. Не е дозволено какво било преземање, копирање, објавување или преработка на делови или цели содржини од овој портал без претходно одобрение од авторот, редакцијата и/или издавачот. За секоја повреда на авторските и сродните права, Паноптикум го задржува правото да побара надомест и соодветна правна заштита.
Уредничка напомена: Во подготовката на содржината може да се користи дигитална/AI асистенција како помошна алатка за јазична, структурна, истражувачка или визуелна обработка. Финалниот текст е уреднички прегледан и објавен под одговорност на авторот и/или редакцијата. Главната илустрација на написот може да биде фотографија, авторска/архивска слика или AI-генерирана концептуална илустрација создадена за визуелна поддршка на текстот.
