Дали навистина се знаеме меѓусебно?
Дали навистина ни се потребни посебни истражувања за да ги откриеме разликите помеѓу мажот и жената? Зарем тие не се очигледни, секојдневно присутни, впишани во нашите разговори, расправии, љубови и недоразбирања? Има ли нешто непознато што толку упорно нè оддалечува еден од друг или само мислиме дека се знаеме подобро отколку што навистина се знаеме?
Се знае. Ама и малку се знае. Или, уште полошо, воопшто не се знае. Особено кога станува збор за она што не се гледа на прв поглед – физикусот, анатомската структура, психо-физичкиот потенцијал и внатрешниот свет што секој од нас го носи како лична вселена.
Телото како почетна точка на разликите
Да почнеме од телото, затоа што токму таму науката најлесно ги фаќа разликите. Денешните медицински податоци покажуваат дека просечниот машки пулс во мирување најчесто се движи од 70 до 72 отчукувања во минута, додека кај жените тој е побрз и се движи меѓу 78 и 82. Ова не е случајност, туку резултат на хормоналните разлики и различната физиолошка регулација на срцето, што детално е објаснето во истражувањата на Американската асоцијација за срце.
И мозокот често е предмет на погрешни толкувања. Просечната тежина на машкиот мозок е околу 1.350-1.400 грама, а кај жените околу 1.200-1.300 грама, според современи невролошки студии. Но оваа разлика нема апсолутно никаква врска со интелигенцијата, нешто што јасно го нагласува и National Institutes of Health. Разликата е структурна, не когнитивна.
Стареењето, косата и времето
Кога станува збор за стареењето, телото повторно ја кажува својата приказна. Околу една четвртина од мажите ги забележуваат првите знаци на ќелавост уште до 25-тата година, а половината имаат изразена ќелавост до 50-тата. Кај жените, пак, вакви проблеми имаат само околу 5 проценти и тоа најчесто по 70-тата година. Хормоните и генетиката ја имаат главната улога тука, што е детално објаснето од Mayo Clinic.
И водата во телото зборува за разликите. Кај мажите таа сочинува околу 60 проценти од телесната тежина, додека кај жените околу 55 проценти. Ова влијае на метаболизмот, на реакцијата на алкохол, лекови и замор, што често го чувствуваме, а ретко го разбираме.
Здравје, ризици и навики
Еден од пет мажи има реална шанса да доживее инфаркт пред 60-тата година, додека кај жените тој ризик е значително помал – една од 17 жени до истата возраст. Разликата не е само биолошка, туку и поведенска, затоа што мажите поретко одат на лекар. Само четворица од 20 мажи редовно посетуваат заболекар, додека над половина од жените тоа го прават барем еднаш годишно. Овие податоци се потврдени од World Health Organization.
Има и разлики што изгледаат ситни, а всушност се фасцинантни. Далтонизмот, односно слепилото за боја, погодува околу 40 мажи на 1.000, додека само 3 жени на 1.000 имаат проблем со разликување бои. Генетиката повторно го има последниот збор.
Интимноста и животниот ритам
Во интимната сфера, разликите се уште поочигледни. Мажите го достигнуваат својот сексуален максимум меѓу 20-тата и 23-тата година, додека жените дури во средните 30-ти години. Просечниот маж во текот на животот има околу седум партнерки, а просечната жена околу три партнери, според социолошките анализи објавени од Statista.
И деталите откриваат многу. Околу 22 проценти од мажите сакаат интимност со запалено светло, додека само една од пет жени го преферира тоа. Мали работи, но доволни да создадат недоразбирања ако не се зборува отворено.
Емоции, разум и искуство
И, конечно, искуственото сознание што сите го носиме со себе. Жените често се опишуваат како поемотивни, но истовремено и порационални во однесувањето. Мажите, пак, знаат да бидат поимпулсивни и понеразумни токму во решавачки моменти. Не затоа што не знаат подобро, туку затоа што различно реагираат на стрес, одговорност и притисок, нешто што психолозите од American Psychological Association.
Знаењето како мост, не како ѕид
Кога ќе ги погледнеме сите овие разлики, станува јасно дека тие не треба да нè разделуваат, туку да нè научат да се разбираме подобро. Да знаеме каде сме различни, за да не бараме исто од оние што по природа не се исти. Затоа што токму во тие разлики се крие и силата на заедништвото.
