Многу наликува
на предводник
на мртви луѓе сè уште
и понекој жив
мртви птици сè уште
и понекоја жива
на нивни живи сенки
и понекоја мртва
сè уште.
Несомнено е дека
намерно го прикажал
уметникот таков
решителен
со ладнокрвен поглед
со исправена става
со напнати мускули
во мудар молк.
Чудно е што никој
присутен и отсутен
близок и далечен
сè уште
не го ни забележува
а камо ли да застане
зад него
дури не зачекорил
во недогледна шир.
ПРЕПЕВ НА ПЕВ И ПОВЕВ, Сетне, поетска инсталација, 60
