Суштествено за авторитетот:
Станува збор за углед или влијание на личност или институција што се темели на определени, дефинирани критериуми.
Од социјална гледна точка, први авторитети за децата се родителите, пред сè мајката и таткото, а тие се најмногу поврзани со емоционалните врски. Ги следат нивното растење и созревање, а нивната авторитетност добива рационална и социјална димензија.
Многумина учени укажуваат на моќта која е еднаква, па и истоветна со авторитетот. Притоа истакнувајќи ги стручноста, моралните квалитети, знаењето, карактерните особини.
Според социјалната положба, пак, се разликуваат рационални и ирационални авторитети, јавни и анонимни, харизматски и легални. Наметнатите авторитети, односно авторитетите со најголемо влијание се иманентни на автократски и авторирарни општества.
Општествените науки особено внимание посветуваат на авторитетот на родителите односно семејството, потоа на неформалниот авторитет на раководството, организациониот и бирократскиот авторитет-училиштата, црквите, војските, индустриите и бирократијата, како и општествените или инклузивните организации-од најпримитивните племенски општества до модерната национална држава и политичката власт.
Со единствени специфики се издвојува политичкиот авторитет.
Авторитетна личност:
-со идентитет и интегритет;
-мислечка, дејствена и творечка, со неприкосновено и непорекливо дело;
-докажана, влијателна и уважувана;
-примерена, предводничка;
-одмерена, толерантна, доблесна;
-цврста, доследна, непоколеблива.
ЗА СЛОБОДНО ПРОМИСЛУВАЊЕ, белешки, 113
