СЕ ОБИДЕ ДА НАПОЛНИ ЕДНА НЕГОВА ПРАЗНИНА СО ШТО БИЛО ОД НЕГО. НЕ УСПЕА СОВРЕМЕ ДА ГИ ПОПОЛНУВА ПРОЦЕПИТЕ ВО НЕА, СО МИСЛИ ЗА СЕКАКВИ ДРЕБНАВОСТИ ВО МИНЛИВОСТ И СО ДЕЛА КОИ ЌЕ МУ ЗНАЧАТ НЕШТО КОГА ЌЕ ПОТОНЕ ВО САМОТИЈА. САМОТИЈАТА МУ Е ЗАСЕГА САМО НАМИСЛА.
НАЈСЕТНЕ РЕШИ ДА ЈА НАПОЛНИ. ОНАКА НАЕДНАШ, НАВРАПИТО, ВО ЕДЕН ЗДИВ. НЕГОВ ПОСЛЕДЕН ОБИД.
НЕ УСПЕА!
ПОТРОШИ МНОГУ ВРЕМЕ И ЕНЕРГИЈА. КАКО ПРАЗНИНАТА ДА МУ БЕШЕ ОД ИЛИ ЗА КОНЕЧНА ПОБЕДА ПО МНОГУ ПОРАЗИ.
ЗАЛУДНО?
ЧУВСТВУВА КАКО ВО НЕА ДА ИМА НЕКОЈА НЕИЗМЕРНА СИЛА ШТО ГО ПРИВЛЕКУВА. СО КОЈА СЕ ОБИДУВА ДА ГО ВОВЛЕЧЕ ВО СЕБЕ, ДА ГО ВПИЕ, ДА СТАНЕ ПРАЗНИНА ВО НЕА.
СЕ ОБИДУВА ДА ЈА ОДБИЕ, ДА ЈА ОБЕССИЛИ И ДА ИЗБЕГА ШТО ПОДАЛЕКУ.
СЕ НАДЕВА ДЕКА СКОРО ЌЕ УСПЕЕ.
НАСЛОВИ (СĖ ВО НАСЛОВ), насловна проза, 76