Ѝ СЕ СОБРАЛО НЕШТО ВО НЕА ШТО Е НИШТО, Ѝ СЕ СОБИРАЛО ДОЛГО, А НЕ НИ ПОМИСЛУВА ДА СЕ ОСЛОБОДИ ОД ТОА ЗАТОА ШТО МИСЛИ ДЕКА НЕ Ѝ ПРЕЧИ. СМЕТА ДЕКА Е ДУРИ ТЕШКО ЗАБЕЛЕЖЛИВО ОД КОГО БИЛО. А КАМО ЛИ ДА СЕ ОБИДЕ ДА ГО ОСОЗНАЕ, ДА ГО КОНКРЕТИЗИРА, ПА ДА ГО НАДМИНЕ, ПА ДА ГО ОТСТРАНИ.
БАШ ДЕКА НЕ ГО ОСОЗНАВА И НЕ ГО КОНКРЕТИЗИРА, НЕШТОТО ВО НЕА ЗА НЕА Е НИШТО. ИАКО И САМАТА НЕ Е СИГУРНА ДЕКА НЕШТО МОЖЕ ДА БИДЕ НИШТО, БЕЗ ОГЛЕД ДАЛИ Е НА, ВО, ПРЕД ИЛИ КРАЈ. НЕКОГАШ Ѝ СЕ ЧИНИ ДЕКА ТОА ВО НЕА СТАНУВА НЕШТО И СКОРО ЌЕ ИЗЛЕЗЕ ОД НЕА, ПА ЌЕ МОЖЕ ДА ГО ОСОЗНАЕ КАКО КОНКРЕТИЗИРАНО.
ВСУШНОСТ, ВО СУШТИНАТА НА НЕШТОТО ВО НЕА ШТО Е НИШТО СЕ НЕБРЕЖНОСТА И ПРЕНЕБРЕГНУВАЊЕТО. СО ДРУГИ ЗБОРОВИ, СТАНУВА ЗБОР ЗА ИСТО СО СИТЕ ДРУГИ НЕШТА НА КОИ СЕ НАВИКНАЛА, КОИ ГИ ПРИФАТИЛА КАКВИ ШТО СЕ.
ОТКАКО Ѝ ОТИДЕ ВО НЕВРАТ ПОСЛЕДНИОТ ДАЛЕЧЕН ПОТОМОК И ОСТАНА СОСЕМ САМА, ЕДНО ДРУГО НЕШТО ВО НЕА Е НИШТО: СМРТНА БОЛЕСТ ЗА КОЈА СИ ДОКАЖА ДЕКА НЕМА ЛЕК.
НАСЛОВИ (СĖ ВО НАСЛОВ), насловна проза, 74
