Заблудата е поблиска и многу потешка од лагата. Тоа значи и дека човек полесно се ослободува од заблудата. одошто од лагата.
И личната и колективната заблуда траат многу подолго од лажење на еден човек, еднакво на многу луѓе. Најпрвин затоа што на неа ѝ претходат заблудувањето и самозаблудувањето, та следствено и ослободувањето од нив е тешко и долготрајно. Згора на тоа, лажењето побрзо се открива.
Заблудата е за заблудување и самозаблудување? Е, доколку е целта однапред поставена, домислена, догледна, доколку се знае. Притоа, прво е самозаблудувањето. Заблудувањето иде веднаш по него.
Рекле, но треба да се дорече:
Политичарот најмногу посега по заблудување и самозаблудување.
Доречувам:
Затоа што заблудата е суштествена за неговата политика.
Тоа се однесува на секој политичар? Се разбира не, туку на оној што ја разбира политиката како личен интерес, користољубие, властољубие-политикантство. За кого политиката не се темели на мудрост, туку на итроштина.
ТИВКИ КЛОКОТИ, рефлексивни искази, 190
