826. Треба да се забранат невладините организации. Тие без исклучок се внатрешни непријатели на Македонија. Како што се партиите СДСМ и ДУИ.

827. Имаш не потреба, а бесрамен личен интерес за колективен протест поради смрт на многу млади животи.

828. Нема состојба која не е менлива. И најмногу зависи од човекот во неа.

829. Нужна е не само поддршка на решителни и доблесни луѓе, туку и да се биде рамо до рамо со нив.

830. Најпрвин:
Забрани на валкани бизниси и гонење на мафијашки главатари.

831. Мора совреме да се оневозможи да ровари внатрешниот „шарен“ непријател.

832. Ако си маж, биди чесен маж. Ако си жена, биди чесна жена. Лесно и доблесно за обајцата.

833. Политичар за сите, политикант само за себе.

834. Против џган со мафијаши на чело не може демократски. Зашто тие опстануваат само во анархија.

835. Човекот се докажува како човек дејствувајќи и создавајќи за човек.

836. Во љубовта најмногу утрешнина.

837. Ни племе не опстанува без мудреци на чело.

838. Во сиромашна и испокрадена држава, како Македонија, може да се стане евромилионер само со корупција и мафијаштво. Без исклучок.

839. Што сакам да кажам кажувам, а кој разбира разбира.

840. Во војна сме, луѓе! За опстанок на човекот во заедница. Ќе трае многу долго, со големи жртви и жртвувања.

841. Откривам човек за восхит.

842. Делба пред сите други наши делби: на луѓе чесни и достоинствени и нелуѓе-изроди, профитери и платеници.

843. И сам човек е за живот. Не за живуркање.

844. Во животот досегашен сум надминал многу премрежја. И уште сум жив и уште творам.

845. Ми идеш на сон, љубов, и ме будиш.

846. Сè покуси денови, сè поцрни ноќи.

847. Секоја матна вода има свој мативода. Ќе се избистри откако ќе се открие и ќе се оневозможи.

848. Внатрешниот непријател не мирува, ако не се сотре сосе корен. Во невреме за него он само се притајува.

849. Нечовек си без чест и достоинство.

850. А кој те спречува да протестираш против убивањето на младоста на Македонија од страна на полит-бизнис олигархијата? Но, зошто ти треба колективен молк, организиран и предводен од платенички изроди?!

851. Да, никогаш доста и од човек во години. Сепак, неспоредливо е со енергијата на младоста.

852. Ништо без политика? Ништо со политикантство, платеничко предавство и мафијаштво.

853. Нема ни чекор напред, а само тонење во бездна без чесност и лична одговорност.

854. Жестока борба против политикантите во политиката и против квазибизнисмените во бизнисот.

855. Не може без систем, а системот урнисан. Да, нужен е нов. Се знае кој и каков?
Но најпрвин: може на чело со досегашните?

856. Како да се исчисти партија од членови политиканти? Да не има таква-без ниеден таков?

857. На светот му е преку глава од идеолошки матрици што ги изроди гнилиот капитализам.

858. Крајно време е секој да се замисли што ќе им остави на нашите потомства.

859. Ништо и ни миг во животот без љубов.

860. Јас не знам поголема сила од силата на заедништвото.

861. Жив по живот:
Телом нигде, духом сегде.

862. Книжевноста одиграла и игра клучна улога во културниот и цивилизациски развој на човекот.

863. Опстанокот на човекот на планетава Земја во најголема мера зависи од самиот него.

864. И јас констатирам:
Борбата против минливоста е всушност борба за живот со трајни вредности.

865. Прашај се најпрвин што правиш за себе, а потоа што можеш да направиш и за себе и за сите.

866. Најголемо идентитетско богатство на секоја човечка заедница: култура и традиција.

867. Не цениш зашто ем не знаеш ем не познаваш.

868. Колку чини времето? Прашај мудар човек во години.

869. Да не бидеш ни еден миг без љубов.

870. Никогаш потешко? Секогаш!

871. Најголема болка е личната во молк.

872. Избраници на народот,
Вие како уште да не сте свесни дека е веќе неиздржливо.

873. Не партии, туку луѓе!

874. Не разбирате дека гневот на народот е најмногу поради партиските мафијаши и политикантите?!

875. Најтежок личен пораз:
Половина век залудна борба за пристоен живот. Со чесност и дела.

876. Не вреди што било кога веќе не е.

877. Бидејќи сме длабоко во партократија, мора најпрвин да се „рестартираат“ политичките партии.
Прв чекор: нов Закон за партии и негова најстрога примена.

878. Најпрв од првите чекори на нов почеток:
Целосно нов Устав на МАКЕДОНИЈА како унитарна држава на македонскиот народ, рамноправните малцинства и делови од народи во неа.

879. Мора да нè биде. Како што сме биле и сме. Со саможртвувачка борба на секој македонски патриот.

880. Нужна е сосем нова-македонска казнена политика. Во која акцентот ќе биде ставен на конфискација на незаконски стекнат личен и имот на потесно семејство, како и на долгогодишна општествено корисна работа (без плата и признаен работен стаж).

881. Нова културна политика:
Творецот и неговото творештво пред сè и над сè.

882. Нова образовна и научна политика:
Континуирано следење и инкорпорирање на суштинските вредности на животот на личноста и нејзината улога во заедница, како и на техничко-технолошкиот развој на човечката цивилизација.

883. Сè во животот е едноставно, доколку се живее мудро и разумно.

884. Никогаш доволно избрани зборови за искажување и докажување љубов.

885. Приоритет над приоритетите во сите степени на образовниот систем:
Здравјето и психофизичкиот развој на децата и младите.

886. Немој со мене ако не сакаш да читаш од мене напишано.

887. Најсилен младешки дух на човек во години.

888. Секој што бил и е важен во мојот живот, ќе биде важен додека сум жив.

889. -Ти си поет?
-Да, штотуку напишав нова песна.
-Баш ми е драго.

890. Јас и вие-за ние.

891. Се јуначите оти од мрачнина се плашите.

892. Ист сум и во време и во меѓувреме.

893. Сум се забрзал? Ме брза моето време.

894. Јас сум активен мислител? А зарем има некој пасивен?!

895. Неизмерна, безгранична и плодотворна љубов. И кога е блиска и кога е далечна.

896. Познавам луѓе кои повредуваат луѓе од небрежност, а не се ни свесни за тоа.

897. Секогаш само со луѓе што ми значат.

898. И јас утре нема да бидам  исто што сум сега.

899. Корумпираниот зависи од корумпирачот?! Добро, но зошто тој прифатил и прифаќа некој да го корумпира?

900. Нема дерман од партиска багра политикантска.

901. Чесни, учени и умни против нечесни, неуки и тапоумни во гнили држава и општество?!

902. Нов почеток:
Бриши-пиши, сотри-фрлај на буниште.

903. Што го одржува во живот чесниот творец? Само творењето. Ништо друго.

904. Стар човек е сè понепотребен и сè повеќе пречи.

905. Твојот свет и твоето време неминовно умираат сè позабрзано.

906. Не се предавај додека те служи здравјето.

907. Време на љубов додека е време во љубов.

908. Не можат заедно меѓусебно непознати.

909. Немошен по последна поразија.

910. Сè му е сеедно. Дури и дека е жив, а умрен.

911. Важен, неважен-како за кого.

912. Веќе фалат многу од моите.

913. Јас вака, а ти како сакаш.

914. Јас нешто за некого, а мене не ми треба ништо од никого.

915. Молчам и во себе си зборам сè подолго и сè потивко.

916. Сè од мене денес за утре со вчера.

917. Како заедно кога ни се гледаме ни се слушаме? Со знаци, букви, слогови и зборови. И во паметење.

918. Во партиските дувла треба итно да се изврши дезинфекција и дератизација. Постои опасност од масовна зараза во партократијава.

919. Во беспаќе не оставаш трага.

920. Не распалувај оган меѓу огнени луѓе.

921. Никогаш толку многу залудности!

922. Не го прашувај оној што не може да знае.

923. Знаеш дека оној што те сака вистина те сака и оној што те памети нема да те заборави.

924. Жално:
Ем малоумен ем тапоумен во мафијашка партија.

925. Добро, нека е ко што велиш ти. Од што ми е добро, не ми фали ништо.

926. Многу ми е жал што јас ни со моето грандиозно творештво во ништо не им помагам на моите потомци.

927. Не дека никој не ми е виновен. Туку јас сум си најмногу.

928. Сè повеќе сенка од човек, отколку човек со сенка.

929. Не знам за кого, но знам за каде. За во ветер и магла.

930. Сè помалу си верувам на себеси.

931. И по одење во неврат-љубов.

932. До кога? До некогаш.

933. Нужно редефинирање на Македонија (во нов Устав).
Предлог.
МАКЕДОНИЈА Е СУВЕРЕНА ДРЖАВА НА МАКЕДОНСКИОТ НАРОД, МАЛЦИНСТВАТА ВО НЕА (во заграда наброени сите со достигнат минимален процент на учество во вкупното население) И НА ДЕЛОВИ ОД НАРОДИ НАСЕЛЕНИ ПРИВРЕМЕНО ИЛИ ТРАЈНО (кои не го достигнуваат минималниот процент-без нивно наведување).

934. Суверенист₌Патриот.

935. Скоро точка на сè и продолжение или нов почеток некаде.

ДУМАЊЕ НА ГОЛЕМ И МАЛ ЧОВЕК XXIV