СЕ ПАМЕТИ ПРОМИСЛУВАЊЕТО НА ЛИДИЈА ПЕРУНОВА ЗА ОСВОЈУВАЊЕТО И ПРИОПШТУВАЊЕТО. НЕ ТОЛКУ СПОРЕД ТОЛКУВАЊЕТО НА НИВНАТА СУШТИНА ИЛИ НИВНОТО ПРОДЛАБОЧУВАЊЕ, КОЛКУ ПОРАДИ НИВНОТО КОНКРЕТИЗИРАЊЕ.
МОЖЕ ОПШИРНО И ДЕТАЛНО, НО ВО НАСЛОВ НЕ МОЖЕ. МОРА ДА СЕ ВОДИ СМЕТКА ЗА СĖ ШТО ТОЈ ИЗЕДНАЧУВА, СВЕДУВА И КОНКРЕТИЗИРА. СЕ РАЗБИРА, НЕ НАВЕДУВАЈЌИ, ЦИТИРАЈЌИ НЕЈЗИНИ ЗБОРОВИ:
ВО ЖИВОТОТ, ОД РАЃАЊЕ ДО СМРТ, ЧОВЕЧКОТО СУШТЕСТВО ОСВОЈУВА ИЛИ ПРИОПШТУВА. МНОГУ ПОВЕЌЕ ОСВОЈУВА ОДОШТО ПРИОПШТУВА. ПОЧНУВАЈЌИ ОД ОСВОЈУВАЊЕТО НА ПРОСТОРИ И ВРЕМИЊА, ЗАВРШУВАЈЌИ СО ПРИОПШТУВАЊЕТО НА УБАВОТО И ВРЕДНОТО. КОИ ПРЕД СĖ ЈА ОБЛАГОРОДУВААТ ДУШАТА.
ОСВОЈУВАЊЕТО ГО СОДРЖИ ПРИСВОЈУВАЊЕТО, МОЖЕ И ОКУПИРАЊЕТО, А ПРИОПШТУВАЊЕТО ПРЕД СĖ ЗНАЧИ ПРИЗНАВАЊЕ, ПОЧИТУВАЊЕ И СО НЕГО ЛИЧНО БОГАТЕЊЕ-ПОВЕЌЕ ДУХОВНО ОДОШТО МАТЕРИЈАЛНО. ЗАЕДНИЧКО ЗА ОБЕТЕ Е ЕДНОСТРАНА, ПОНАЧЕСТО ЛИЧНА КОРИСТ.
ЈАС, ЛИДИЈА ПЕРУНОВА, СУМ СЕКОГАШ ПОДГОТВЕНА ДА ГИ ОБЕЛОДЕНАМ ОСВОЈУВАЊАТА И ПРИОПШТУВАЊАТА ВО МОЈОТ ЖИВОТОПИС. ГО ОДБЕГНУВАМ ТОА И ЌЕ ПРОДОЛЖАМ ДА ГО ОДБЕГНУВАМ ЗАТОА ШТО НЕ МИСЛАМ ДЕКА Е ИНТЕРЕСНО, А УШТЕ ПОМАЛУ МОЖЕ ДА МУ КОРИСТИ НЕКОМУ СО ПОНЕШТО ОД СĖ ИЛИ СО СĖ.
ЈАС СУМ ОБИЧНА ЖЕНА И БЛИСКА СО МАЛКУМИНА ЗНАЈНИ И НЕЗНАЈНИ МАЖИ. ДА, ДА, МНОГУ НАПАТЕНА.
НАСЛОВИ (СЀ ВО НАСЛОВ), насловна проза, 59
