Живи спомени

Автор: Љупчо Димитровски

Јанѕи од јава во јазол

На ѕид од разурната куќа
Некој бескуќник изнаредил
Едни до други
Едни спроти други
Живи спомени
Со кои разговара секогаш
Кога е во неспокој
Во рамнодушност
Или во залудност.

Едни дамнешни
Едни веќе избледени
Други скорашни
Други веќе уморни
А трети четврти петти
Безвремени.

H1 Skin Booster

Некој бескуќник
Со свои живи спомени
Споделува радости
Дека сè уште среќава луѓе
Кои имаат свои светови
Единствени. Некој бескуќник
Со свои живи спомени
На ѕид од разурната куќа
Споделува жалости
Дека одамна нема луѓе
Кои заедно со него
Ќе почнат да градат
Темели.  

ЈАНЅИ ОД ЈАВА ВО ЈАЗОЛ, Превирања, стихозбирка, 33

Ознаки: Јанѕи од јава во јазол
За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.