ЈАСНО И ГЛАСНО
за
ЗНАЈНО И НЕЗНАЈНО
1. Луѓе зломисленици и злодејци, умислени творци (особено од писателската фела) цели пет (5) децении маки мачат да ме маргинализираат, омаловажуваат, премолчуваат и збришат, да не бидам ни спомнуван како македонски мислител и книжевник. Успеале?
Тоа не е мој проблем!
2. За моето грандиозно и жанровски разновидно мислечко, книжевно, научно и аудио творештво (единствено на светот-во моментов над 150 дела!) до овој момент (75 мои години) немам добиено никаква книжевна награда или општествено признание.
Тоа не е мој проблем!
3. Не сум ни спомнуван, а камо ли застапуван во антологиски и други избори на современата македонска поезија.
Тоа не е мој проблем!
4. Ниедно мое дело не е преведено на некој странски јазик (освен неколку песни на англиски, романски и српски).
Тоа не е мој проблем!
5. Повеќе не дозволувам македонски издавач да објави-испечати (во хартиена форма) мое дело. (До 2015. се објавени 7 поетски дела.)
Тоа не е мој проблем!
6. Продолжувам со создавање нови дела, со за мене вообичаена деноноќна динамика (која трае цели 5 децении)-истовремено и напоредно 10-15 дела.
Проблем?! Каков проблем?
ЗА СЛОБОДНО ПРОМИСЛУВАЊЕ, белешки, 119
