Настапи врелина во недоглед,
како да нема да запре
да навлегува
во последен издив на останки
на природа во која е сè
во рамновесие.
Врелина освоила земја
исконска,
бесплодна, безводна,
без никаква трага по неа.
Ништо уште живо
на врелинава недогледна
како дамнешно или блиско
суштествување.
Последен издив огнен,
скрвавен.
ВНАТРЕШНИ СОДРЖИНИ, Пустелија, поетска студија, 2
