ТОЈ ИЗЛЕЗЕ ОД ДОМА И ТРГНА ПЕШ ПО СВЕТОТ ЗА ДА НЕ СТАСА НИГДЕ НИТУ КАДЕ БИЛО ДА СОГРАДИ НОВ ДОМ ВО КОЈ ЌЕ ЗАЖИВЕЕ КАКО ВО СВОЈ И ОД КОЈ ИЛИ ВЕЌЕ НЕМА НИ ДА ПОСАКА ДА ИЗЛЕЗЕ И ПАК ДА ТРГНЕ ПЕШ ПО СВЕТОТ ИЛИ ГОДИНИТЕ ЌЕ МУ ЈА СНЕМОЖАТ СНАГАТА.
ДОЛГО ОДЕШЕ ПЕШ ПО СВЕТОТ НИЗ СИТЕ НЕГОВИ СТРАНИ И МЕЃУСТРАНИ МОЖЕБИ ГОДИНИ КОЛКУ ЦЕЛ ВЕК НО НИГДЕ НЕ НАЈДЕ ПРИСТОЈНО МЕСТО ЗА НЕГОВАТА ЕДИНСТВЕНА ЖИВЕАЧКА ПОТОЧНО ЗА ЖИВЕАЧКАТА ШТО МУ ПРЕОСТАНА ДО ПОСЛЕДЕН ЗАЛЕЗ НА СОНЦЕТО ДО ПРВ САМРАК ИЛИ ДО НИЕДНО ВРЕМЕ НА БУДНОСТ ВО ПОСЛЕДНА НОЌ.
НИКОЈ НЕ ЗНАЕ НИ ТОЈ НЕ ЗНАЕ ДАЛИ УШТЕ ОДИ ПЕШ ПО СВЕТОТ ИЛИ МУ Е ПОСЛЕДНА ГОЛАТА ЗЕМЈА НА КОЈА СТОИ ЦВРСТО СО ПОСЛЕДНИ СИЛИ.
УПОРНО САМ ДЕЊЕ ГРАДИ НОВ ДОМ БЕЗ ТЕМЕЛ А НОЌЕ ГО УРИВА СОГРАДЕНОТО.
НАСЛОВИ (СЀ ВО НАСЛОВ), насловна проза, 71