Обично, учтивоста и љубезноста ги толкуваме како израз на лична култура. Но, во нивната суштина тие се егзистенцијални за односите меѓу луѓето во општество на слободни, рамноправни и докажани личности.
Од сè директно спротивставено на учтивоста односно љубезноста, најпрви се грубоста и борбата. И едната и другата најпрви во суров свет. До последна капка крв, до смрт. Всушност, во таков свет грубоста и борбата им се потсмеваат на учтивоста и љубезноста.
Уште прашањево:
Се успева ли во кариерата повеќе со љубезност и учтивост, одошто без нив?
Одговор за лично промислување:
Успехот во кариерата со нив е можен, дури се постигнува побрзо со нив, но тој успех е потешко достижен и надминлив без нивна злоупотреба.
ТИВКИ КЛОКОТИ, рефлексивни искази, 192
