36. Паѓање
Се паѓа долго
Паѓаш ли паѓаш
Не знаеш од кога
Точно паѓаш.
Никако да стасаш
На дно
По кое нема
Кон каде до каде
Да паѓаш.
Паѓаш зашто
Се паѓа долго.
37. Интересно
Сè ти е интересно
Од раѓање по раѓање
Се разбира само
По себе интересно.
Да ти е интересно
Дури има непознато
Во кое да бидеш
Во кое си додека си
Кога си и кога не си.
38. Чекаш
Чекаш нешто
Што го чекаш
Предолго
Во исчекување.
Чекаш надежно
Дека конечно
Ќе го дочекаш
Нештото
Што го чекаш.
39. Се обидуваш
Се обидуваш
Само се обидуваш
Зашто не успеваш
Никако
Да стасаш најпосле
По што нема
Повеќе
Да се обидуваш.
Или престани
Да се обидуваш.
40. Пофалба
Добро го направи
Тоа
За добро што
Да нема подобро.
Секое добро
Од тебе
Не е за паметење
Туку за фалење
Некогаш.
41. Детаљ
Еден детаљ
Меѓу многу детали
Наеднаш
Се издели се одлепи
Се оддалечи
За да го забележат
Некои кои многу
Се интересираат
За еден детаљ.
Остана од никого
Непрепознаен.
42. Опитност
Му треба некому
И
Кому не му треба
Опитност
Од многу години
Од секакви
Приклученија
Сосе премрежја.
Ја остава зад себе
Својата опитност
Затоа што нему
Веќе не му треба.
СУШТИНИ, зборопој/зборови за пој, елементарна поезија, 36-42