111. Дивотија
Сме во дивотија
откога остана
зад нас самотија.
112. Рамно
Конечно во рамно
по искачување
на скаменет живот.
113. Прва пеперуга
Како тоа прва
пеперуга будна
од ледено утро?
114. Од памтивек
Тврдина до небо
за одбрана трајна
во наша слобода.
115. Гласови
Собрав гласови
во длабока пештера
за да не сум сам.
116.Знак
Облак на небо
со јато птици во лет
кон далечен југ.
117. Јаболко
Јадро јаболко
со сонце во срцето
жолто и црвено.
118. Амбар
Полн амбар жито
за да не ми влезе глад
во лошо време.
119. Калдрма
Камен до камен
калдрма со векови
за ѕвонлив чекор.
120. Љубовен сон
Тело огнено
како ѕвезда на небо,
срце трепери.
СТРОГОСТИ НА ФОРМИ, песни со зададени зборови
