101. Јадење
Направил јадење
слатко и солено
по гладост по жедмост.
102. Жилче
Од коренче жилче
сака да корени
до кај има сила.
103. Семиња
Фрлиле од небо
семиња секакви
во земја пустошна.
104. Дамна мртов
Откопале коски
на умрен непознат
воин обезглавен.
105. Лице
Не мени лице
лице препознаено
како природно.
106. Безвремено
Нема почеток
на било што не било
откога било.
107. Зрак самрачен
Во куќа стара
живее зрак самрачен
прв и последен.
108. Пејзаж за занес
Влегов во пејзаж
од мене заживеан
да ме занесе.
109. Крива
Дека е крива
за сè низ што минавме
во далечина.
110. Форма
Зошто ти е важно
дали сме можеле
заедно до извор?
СТРОГОСТИ НА ФОРМИ, песни со зададени зборови
