НИКОЈ НЕ ЗНАЕ ОД КОГА Е, НИТУ КОЈ ГО ИСКОПАЛ СРЕДЕ ПУСТОТА. НИТУ ДАЛИ НЕКОГАШ ПРЕСУШИЛ ИЛИ НЕ, НИТУ ДАЛИ ИМАЛО ЖИВОТ ИЛИ НЕ ОКОЛУ НЕГО.
СЕГА ИМА ВОДА РЕЧИСИ ДО ПРЕТЕКУВАЊЕ. ИМА КОЈЗНАЕ ОД КОГА, НО НЕМА ЖИВОТ ОКОЛУ НЕГО ОД ПРЕД НЕКОЈ ДЕН.
СПАСЕ ВОДЕНСКИ ГО НАПУШТИ СВОЕТО ЖИВЕАЛИШТЕ ПО ЧЕТИРИЕСЕТТИОТ ДЕН ОД УПОКОЈУВАЊЕТО НА НЕГОВАТА ПОСЛЕДНА БЛИЖНА, НЕГОВАТА ДРУШКА МИЛИЦА.
БУНАРОТ Е НЕСОМНЕНО СТАР. ОСОБЕНО ЗАТОА ШТО ВО НЕГОВА БЛИЗИНА НИКОЈ НЕ ИСКОПАЛ НОВ. ТОА ЕДНО, А ДРУГО БИДЕЈЌИ Е НЕСОМНЕНО МНОГУ ДЛАБОК.
ИМЕНО, ОКОЛУ НЕГО ИМА МНОГУ ГОЛЕМИ И МАЛИ КАМЕЊА СО ЈАСНИ ЗНАЦИ ДЕКА ПУСТОТАТА Е ОД ДЕН НА ДЕН СĖ ПОПРОСТРАНА. ОПШТОПОЗНАТО Е: ОД ПУСТОТА НАЈПРВИН ВОДИТЕ СЕ БОРАТ ДА ОПСТАНАТ ПРОДИРАЈЌИ СĖ ПОДЛАБОКО.
СУШТИНСКОТО ПРАШАЊЕ Е ШТО ПРАВИ ЖИВ БУНАР ВО ПУСТОТА. СИ ОДГОВОРИ СПАСЕ ВОДЕНСКИ ПРЕД ПОСЛЕДЕН ДА ГО НАПУШТИ СВОЕТО ЖИВЕАЛИШТЕ:
СЕ НАДЕВА ДЕКА КОГА-ТОГАШ ПАК ЌЕ ИМА ЖИВОТ ОКОЛУ НЕГО.
НАСЛОВИ (СĖ ВО НАСЛОВ), насловна проза, 80