ЕДЕН ПОЗНАТ РАМНОДУШЕН И МАЛОДУШЕН ЕДНАШ СЕ ПРИКАЖУВА СЕБЕСИ РАМНОДУШЕН, ДРУГПАТ МАЛОДУШЕН, А ВО ПОСЛЕДНО ВРЕМЕ СĖ ПОЧЕСТО И СĖ ПОВЕЌЕ РАМНОДУШЕН И МАЛОДУШЕН. ПРИТОА, ПРАВДАЈЌИ СЕ ДЕКА ПОЛОЖБАТА ВО КОЈА Е, КАКО И ПОЗИЦИЈАТА ШТО ЈА ИМА ВО ОПШТЕСТВОТО И ДРЖАВАТА НАПРОСТО МУ НАМЕТНУВААТ ДА СЕ ПРИКАЖУВА ТАКОВ.

ЕДЕН ПОЗНАТ ОПТИМИСТ ГО ПРЕДИЗВИКА ДА ИМ ОДГОВОРИ НА ЛУЃЕТО ШТО ГО ОПКРУЖУВААТ ЗОШТО СЕ ПРИКАЖУВА, ПОТОЧНО СЕ ИСКАЖУВА ОДДЕЛНО; ПРВО КАКО РАМНОДУШЕН, ПА КАКО МАЛОДУШЕН И НАЈСЕТНЕ КАКО РАМНОДУШЕН И МАЛОДУШЕН.

КАКО РАМНОДУШЕН:

„ДО НЕОДАМНА МЕ ЗАСЕГАШЕ СĖ ШТО СЕ СЛУЧУВА ВО ОПШТЕСТВОВО И ДРЖАВАВА. ОСОБЕНО ОНА ШТО НАЈДИРЕКТНО И НАЈНЕПОСРЕДНО СЕ ОДНЕСУВА НА ЧОВЕКОТ КАКО ПОЧИТУВАНА ЛИЧНОСТ. НЕ БЕВ САМО ЗАИНТЕРЕСИРАН, ТУКУ БЕВ НА СЕКАКОВ НАЧИН АНГАЖИРАН ЛИЧНО ДА ПРИДОНЕСАМ НА ТОЈ ПЛАН СО СВОИ ДЕЈСТВИЈА. НА ПРИМЕР, ЈАВНО ДА СЕ ЗАЛАГАМ ЗА ПРИЗНАНИЕ И АФИРМАЦИЈА НА ВРЕДНОСТИТЕ ВО НЕГОВОТО ТВОРЕШТВО, ВО КОЈА БИЛО ОБЛАСТ, И ДА ГО НАСОЧУВАМ ИНТЕРЕСОТ НА ЈАВНОСТА КОН НИВ.

ЗА ЖАЛ, ОД НЕОДАМНА СУМ СОСЕМ РАМНОДУШЕН, НАПРОСТО НЕ МЕ ИНТЕРЕСИРА НИШТО ШТО СЕ СЛУЧУВА И СО МЕНЕ И СО ЛУЃЕТО ШТО МЕ ОПКРУЖУВААТ. ТОА ЗНАЧИ ЛИЧЕН ПОРАЗ? НЕ ЗНАМ, НО АКО Е ШТО ДЕКА?“

КАКО МАЛОДУШЕН:

„ЗОШТО СТАНАВ МАЛОДУШЕН? НЕМА ДА ТИ ОБЈАСНУВАМ ОД НАУЧЕН АСПЕКТ, СИГУРЕН СУМ ДЕКА ЗНАЕШ КАКО ТАКВАТА СОСТОЈБА ЈА ТРЕТИРААТ И ПРОМИСЛУВААТ НА ПРИМЕР ФИЛОЗОФИТЕ, ПСИХОЛОЗИТЕ, СОЦИОЛОЗИТЕ, ТУКУ ЌЕ ТИ ОДГОВОРАМ ЕДНОСТАВНО СО ДВА-ТРИ ЗБОРА.

ЈАС СУМ ЧОВЕК ВО ГОДИНИ, А ВЕЌЕ СУМ ПРЕУМОРЕН ОД ЖИВОТОТ. НАЈМНОГУ ПОРАДИ МНОГУТЕ ПРЕМРЕЖИЊА НИЗ КОИ МИНАВ И МНОГУТЕ КОИ УСПЕАВ НЕКАКО ДА ГИ НАДМИНАМ. ДА БЕА САМО ТИЕ, СЕГА СЕКАКО НЕ ЌЕ БЕВ КАКОВ ШТО МЕ ЗНАЕШ ВО МИНАТОТО. ПРОБЛЕМ Е ШТО И СЕГА, И ВО ОВОЈ МОМЕНТ ТИЕ СЕ ТОЛКУ МНОГУ НА БРОЈ ШТО НЕ МИ ДАВААТ НИ ДА ЗДИВНАМ. САКАМ ДА РЕЧАМ ДЕКА УШТЕ СЕ ДРЖАМ ИСПРАВЕН, МЕ ГЛЕДАШ ДЕКА СТОЈАМ НА НОЗЕ, НО ВО МЕНЕ СĖ ПОВЕЌЕ РАСТАТ ЦИНИЗМОТ И ГОРЧИНАТА ОД ТОА ДЕКА ПРЕД МЕНЕ СĖ Е МРАЧНО, МРАК МЕ ОБВИВА И НЕДОБРОЈ ГРДОТИИ ВРЗ МЕНЕ НАВАЛУВААТ. НИТУ ЗА НЕШТО СОНУВАМ, НИТУ НА НЕШТО СЕ НАДЕВАМ. СЕ ШТО СОЗДАДОВ И УШТЕ СОЗДАВАМ Е ЗАЛУДНО, БЕСЦЕЛНО, БЕСМИСЛЕНО“.

КАКО РАМНОДУШЕН И МАЛОДУШЕН:

„ЕДНОСТАВНО, СОБЕРИ ГИ ПОВОДИТЕ И ПРИЧИНИТЕ ЗОШТО СУМ РАМНОДУШЕН И ЗОШТО СУМ МАЛОДУШЕН, ПРОМИСЛИ ГИ ДО КОЈА МЕРА МЕ ОБЗЕЛЕ, ПА ОДГОВОРОТ ЌЕ ТИ СЕ НАМЕТНЕ САМ ПО СЕБЕ“.

НАСЛОВИ (СĖ ВО НАСЛОВ), насловна проза, 66