ОДИ И ВРАТИ СЕ КОГА КОНЕЧНО ЌЕ РЕШИШ ДА СЕ ВРАТИШ. НЕ ВРАЌАЈ СЕ ДОДЕКА СИ ВО СТРАВУВАЊЕ ПАК ДА НЕ ЗАМИНЕШ.
НЕ СИ НИ ПРВ, А НЕМА ДА БИДЕШ НИ ПОСЛЕДЕН КОЈ ОТИШОЛ ИЛИ ЗАМИНАЛ ОД ЕДЕН ЖИВОТ НАДЕВАЈЌИ СЕ ДЕКА ЌЕ ЗАЖИВЕЕ ВО ДРУГ, ПОИНАКОВ, ДУРИ СОСЕМ НОВ. И ПРЕД ТЕБЕ ОТИШЛЕ СО ЦВРСТА НАМЕРА ДА ДОЈДАТ ИЛИ ЗАМИНАЛЕ ВЕРУВАЈЌИ ДЕКА ЌЕ СЕ ВРАТАТ КОГА-ТОГАШ.
НЕ ЗНАЕШ КОЈА Е РАЗЛИКАТА МЕЃУ ОДЕЊЕ И ЗАМИНУВАЊЕ? ДА, НЕМА СУШТИНСКА РАЗЛИКА, ОСВЕН ДЕКА ОДЕЊЕТО Е ПОПОВТОРЛИВО ОД ЗАМИНУВАЊЕТО. МОЖЕБИ И ВО ПОЦВРСТАТА НАМЕРА ЗА ВРАЌАЊЕ ПРИ ОДЕЊЕ, ОДОШТО ПРИ ЗАМИНУВАЊЕ. ДА, ВРАЌАЊЕТО Е НИВЕН ЗАЕДНИЧКИ ИМЕНИТЕЛ. КАКО РЕШИТЕЛНОСТ ИЛИ СТРАВУВАЊЕ.
ВО ЉУБОВ:
ОДИШ И СЕ ВРАЌАШ, ПА ОДИШ И СЕ ВРАЌАШ. ЗАМИНУВАШ ЗА ДА СЕ ВРАТИШ, ПА ЗАМИНУВАШ ЗА ДА СЕ ВРАТИШ И ПОВЕЌЕ ДА НЕ ЗАМИНУВАШ.
ЉУБОВТА ПРАШУВА:
ОДИШ ЛИ ИЛИ ЗАМИНУВАШ ЗА КОНЕЧНО ДА МИ СЕ ВРАТИШ?
НА ЉУБОВТА Ѝ ОДГОВАРАШ:
НЕ ОДАМ, НЕ ЗАМИНУВАМ И НЕ СЕ ВРАЌАМ.
НАСЛОВИ (СЀ ВО НАСЛОВ), насловна проза, 64
