Обично се вели: очите кажуваат сѐ. Да, но дали тие вам сѐ или барем нешто ви кажуваат? Умеете ли да го разбирате нивниот „говор”?
Како очите го откриваат карактерот и здравствената состојба на човекот
Со помош на ориенталната дијагностика можете, меѓу другото, да ги читате од очите физичката, менталната и духовната состојба на лицето за кое сте заинтересирани.
И не само состојбата, туку тие-очите се еден од нашите „најизразувачки инструменти“ кои покажуваат секоја физичка, ментална и духовна промена. Преку раздалеченоста на очите, нивниот агол, нивната големина, очните капаци и друго.
Раздалеченост на очите и врска со карактерот и органите
1) Помала раздалеченост помеѓу очите укажува на карактер кој е претежно агресивен, со тесни видици и тврдоглав, додека емоционално и интелектуално е жесток. Црниот дроб, панкреасот, слезинката и бубрезите се посебно чувствителни кај лицата со такви очи; овие органи кај нив лесно подлегнуваат на пореметувања поради пррекумерно внесување на прехранбени продукти од животинско потекло.
Поголема раздалеченост зборува за помалку крута и блага природа, но нерешителна и бавна. Кај лицата со такви очи органите во централната област на телото се чувствителни на прекумерно внесување на шеќер, безалкохолни пијалоци, тропско овошје, како и ароматични, стимулативни прехранбени продукти и напитоци;
Агол и големина на очите како показател за емоционална и ментална состојба
2) Очи што се на надворешниот крај искосени угоре укажуваат на тенденција кон јаснотија на емоционален и интелектуален план.
Спротивно, очи што на надворешниот крај се искосени удолу, укажуваат на поблаг и потолерантен карактер;
Очни капаци и нивното значење во ориенталната физиогномија
3) Мали очи говорат за карактер што се одликува со решителност, активност и самоувереност, напоредно со физичката сила, виталноста и издржливоста. Ако очите се ненормално мали, тоа е знак на тенденција кон остар, агресивен карактер.
Ненормално големи очи укажуваат на нервни пореметувања, вклучувајќи пречувствителност, раздразливост, нервоза, срамежливост и недостиг на сигурност.
Воопшто, пожелно е мажите да имаат помали и потесни, поискосени очи, а жените да имаат пошироки, отворени, со тркалезна форма.
Во врска со очните капаци и следново:
Затегнати очни капаци откриваат лица со изразена тенденција кон јаснотија на ментален план.
Набрчкани, лабави очни капаци се често знак на физичка сила.
Очните капаци што се отечени и црвени или имаат пурпурна боја говорат за актуелно прекумерно внесување на овошје, шеќер и други слатки, млечни напитоци, други безалкохолни пијалоци и стимуланси. Ваквата состојба може да укажува и на земање на дрога и лекови. Капаци кои така изгледаат можат исто така да бидат индикација на општа слабост на органите за варење и ненормално нервна чувствителност. Најзагрозени органи се бубрезите, цревата, слезинката, црниот дроб и репродуктивните органи, како и хормоналните функции.
Мигање и трепки: сигнали за нервниот систем и исхраната
4) За мигањето:
Во просек, здраво возрасно лице мига отприлика еднаш на секои 20 секунди или 3 пати во минута. Лице кое мига значително помалку е во состојба на поголема активност и пргавост на физички и ментален план. Лице, пак, кое мига повеќе од 3 пати во минута се наоѓа во фаза на влошена здравствена состојба поради внесување на премногут течност, овошје, шеќер и други прехранбени производи и напитоци. Ако мигањето е ненормално зачестено, тоа значи дека лицето пати од нервни пореметувања и се наоѓа во состојба на крајна чувствителност, страв, плашливост и раздразливост.
5) За трепките:
Долги трепки се знак на прекумерно внесување на течност, пресен зеленчук и овошје. Ако трепките се извиени нанадвор, тоа покажува ненормална нервна чувствителност и е знак дека репродуктивните функции се во состојба на дегенерација поради внесување на овошје, овошни сокови, вино, шеќер, слатки, безалкохолни пијалоци, ароматични стимулативни продукти и пијалоци, како и лекови и дрога во раното детство. Пократки трепки се последица на внесување на претежно варени солени јадења, пржени, печени и варени продукти од животинско потекло, а помало внесување на житарици и зеленчук. Трепки што се извиени навнатре се знак на прекумерно внесување на големи количества на сол, месо, риба, кавијар и живинско месо, без доволно житарици во зрно и зеленчук, продукти што би дејствувале како противтежа на овие првите. Кај таквите лица репродуктивните функции се често ненормални, особено кај жените, кои можат да патат од менструални грчеви и изостанок на менструација поради собирање на јајниците.
