1. Многу ни поминало што не може да се врати.
2. И во минатото и денес многу сокриено, а предоцна откриено од народот.
3. Многу грди и повторливи нешта се пренесуваат кај нас од декадентниот Запад.
4. Јас единствен во мој круг, далеку од на сите други.
5. Околу нас како да почнаа да дуваат ветрови на хибридна војна. Ние во вител?!
6. Како натаму? Сами со себе и во себе.
7. Не трпение, туку претпазливост, согледба и мудрост.
8. Пред мене чистина како празнина.
9. Штом не бев досега со никого, зошто отсега некој да биде со мене?
10. Стои стар бел дедо на крстопат и му е сеедно кој пат да фати.
11. Староста е слободна колку што е здрава и самотна.
12. Рани од љубов отворени и крвави.
13. Далеку пред времево мојата мисла и моето дело.
14. Не ми е интересно ништо во врска со мене.
15. Младее нескротлива творечка енергија на човек во години.
16. Не ме плаши утре. Ме плашат оние и она денес за утре.
17. Ако не сте исти како оние пред вас, тогаш докажете ги и докажувајте ги различностите.
18. Ме поттикнува тоа дека сè што создадов и создавам е во секое време на увид и суд на народот.
19. Оригинално творештво?! А какво друго недостижно или возвишено?
20. Ме нема за тебе како што ме имало за нас.
21. Може да ме изненади само она што не го знам и не го промислувам.
22. Менува оној што сè менува совреме.
23. До кога глас само за да бидеш власт?
24. Те чувствувам, а не те гледам. И тоа ме радува.
25. Невреме е зашто не е и твое време.
26. Како се докажал како чесен, достоинствен и доблесен? Борејќи се со сите сили за живот со луѓе.
27. Пред сите напред, за сите недостижен.
28. Непризнаен македонски мислител и книжевник, творец на огромно дело според обемот и разновидноста, единствено на светот?! Кое не ѝ припаѓа на македонската култура?! Но зошто?
Затоа што е непореклив, неприкосновен и не е во кругот на медиокритетите.
29. По природа не сум за расправија, а сум за расправа за што било со факти и аргументи.
30. Нечист на дно не може да излезе на поврвнина.
31. Кој не може без мене, прво нека ме побара во себе.
32. Рана на срце не зараснува.
33. Зборува за себе, а најмалку мисли на себе.
34. Сонцето што ме грее не зајдува.
35. Излези во природа за да си ја зачуваш природата.
36. Жалам човек кој залудно го троши своето време.
37. Состојбата е тешка, а собитијата и премрежјата ја прават уште потешка.
38. Сè лошо што си му направил и му правиш на супериорен е уште полошо за твојата инфериорност.
39. За многу нешта, пред многу нешта и во врска со многу нешта се воздржувам како човек во години.
40. Допрва? Пак велам:
Непотребно и лицемерно е кога е близу крајот.
41. Личен интерес на штета на народот и неговата држава-лично злосторство.
42. Лелек и плач во песна-крик на човечката душа.
43. Секогаш длабок молк на човек во години.
44. Пресврт и нов почеток на сè-исто значење за нова реалност.
45. Неменливи состојби во партизирано и политизирано општество.
46. Бессовесни и платенички волови впрегнати во јарем.
47. На човек на ветромет му е сеедно од каде дува ветрот.
48. Нема поврат на старо, а дамна угаснато домашно огниште.
49. Болно паметење на љубов во молк.
50. Никому не му должам ништо, а никој ни мене.
51. Ни мудрост ни искуство за заблуден.
52. Вистината победува во светот, а кај нас се прпелка во партиско-политикантска власт.
53. За нов почеток е нужно решително отстранување на сè гнило до здравото ткиво.
54. Партиите да се борат против партократско владеење?!
55. Тргни од себеси ако сакаш да продолжиме заедно.
56. Од зборови премини на дела оти зборовите ти се излитени.
57. Не опстанува мал меѓу големи.
58. Никаде те нема откога нè нема.
59. Внимавај твојот следен чекор да не биде во место.
60. Мал не може со големи, а голем нема меѓу мали.
61. За грижа:
Времето ни тече сè побавно, а сè побрзо ни истекува.
62. Не одлагај за друг ден кога мораш прекуноќ.
63. Сам никаде додека не решиш со кого до каде.
64. За кого? За секого исто како за никого.
65. Бос меѓу трње, гол во беспаќе.
66. Јас знам како против владение на партии-партократија:
Само со натпартиски, значи независни, видни, умни, опитни и творечки личности. На кои партии не им требаат за ништо.
67. Кога ќе ме снема-ќе ме нема и ќе нема ништо од мене.
68. Не се живее во земја во која ниту се знае што е вредност, ниту таа се препознава.
69. Партија на умирање предводи недоветен политикант со матно минато.
70. Прво сам, па после со други.
71. Се сомневам во почеток без несомнено продолжение.
72. Најголем личен успех е докажаност со дело.
73. Во права љубов не се стои во место.
74. Незапирлив е сечиј стамен и достоинствен чекор напред.
75. Не сум ни свесен колку сум влијателен како мислечка и творечка личност?! Можеби сум. Ама непризнаен!
76. Станува опасно за човекот како свесно битие бришењето на границата меѓу стварниот и виртуелниот свет.
77. Дилема:
Самодокажување со она што го оставаш зад себе или со она што им го оставаш на други?
78. Ми изгледа дека матната продолжува да тече мирно во своето дамна издлабено корито.
79. Се повторуваам:
Мора прво чистка, после ресет. Штом се нема сили за напоредно.
80. Корупцијата е дел од психологијата на примитивизмот, а мафијаштвото на политократското владеење.
81. Многу што зависи од еден прв човек.
82. Мафијашката партија гние однатре, а од здравото ткиво на државата зависи кога таа ќе изгние.
83. Штом системите во државата не функционираат, општеството е во хаос и без утрешнина.
84. Многумина го пофалија „будењето“ на обвинителството на чело со републичкиот јавен обвинител Љ.К, а јас изразив сомнеж.
Како да се заборави на мудрата изрека за волкот и неговата ќуд. Не ѝ треба големо „прилагодување“:
Судството и обвинителството божем престанале да им слугуваат на своите мафијаши, а всушност итромански продолжуваат да мафијашат заедно.
85. Секој има свој свет, во поголем дел таен. Неприродно е да нема.
86. Неприфатливо е ништо да не е поправливо или дека треба да се поправа внимателно и чекор по чекор.
87. Одамна е зовриено. Прекипува.
88. Македонскиот народ е ставен во антимакедонски окови!
89. Нема слобода без правда. Македонецот и неговата држава се во мафијашко-велепредавнички окови.
90. Нема заборав со молк, премолк и одбегнување на соочување со длабока љубов.
91. Сечиј почеток на лична одбрана на животот:
За достојност, човечки правдини, вредности и спокој.
92. Дунстери не разликуваат народ од нација и државјанство-граѓанство! Измислија и идиотизам „делови од народи“ наместо малцинства.
93. Имам голем сомнеж дека јавните обвинители на чело со републичкиот Љ. Коцевски се „свестиле“, работат што побрзо да се одржат судски процеси и драстично да се казнат сите виновни за трагедијата во дискотеката во Кочани.
Ќе биде „таков е системот“.
94. Мојата дребнавост е само моја. И нема никаква врска со моето дело.
95. Проблематично е моето постоење?! Белки не физичкото.
96. Се надевам дека најсетне ќе успеам да напишам песна за ништо.
97. Ќе успееш ако мораш зашто сакаш.
98. А зошто да му е некому важно до кога јас? Зарем не е суштествено за постоењето некогаш или никогаш?
99. Секогаш со убави луѓе што љубат.
100. Јас и ти не се познаваме, а сме многу блиски. Тоа ме радува.
101. Пази богати, политикантската тутурутка В.Ф., предводник на клинички мртвата партија СДС, „стои на располагање“ за промена на Уставот на Македонија.
Ќе постоиш ти уште малу време пред вратата на занданата во која те чека „кабелот“ на модуларната болница во Тетово!
102. Радикализмот иде од насобран гнев. Народниот е најголем и незапирлив.
103. Трагично е бегството поради немоќ сосе помирливост.
104. Се подобрува, само трпеж за да се види и почувствува? В ред, ама да не е трпеж во крпеж. Доста беше.
105. Со стари нема мака. Мака е со жал и болка без млади.
106. Веќе не смееш да грешиш, а од грешка во грешка влегуваш.
107. Брзо гасне љубовниот оган откако ќе ја пеплоса љубовта.
108. Не може со добро против зломисленици и злодејци.
109. Да не ни помислиш пак да се среќаваш и договараш со мафијашки предводник на антинародна партија.
110. Се разбудиле?! Не бе брат, сон не ги фаќа од уплав да не се најдат во мрачнина.
111. Ај да расчистиме за веќе да не одлагаме:
Имаме нефункционален систем или немаме систем, па треба да го смислиме и обмислиме?
112. Од сите системи во функционална држава и модерно општество, прв мора да биде вредносниот.
113. Секогаш има нешто недокажано што треба да се докажува.
114. Не можам да премолчам!
Јас сум единствен творец на светот кој создава во секое деноноќие 15-20 дела, а тоа не значи баш ништо!
115. Сето ова народот ќе го наплати и казни. Кога ќе му прекипи.
116. Најважно за нашата љубов е да сме заедно и кога е несовладлива далечината меѓу нас.
117. Ништо прекуноќ е прво разочарување и сомнеж.
118. Секаков развој најпрвин подразбира постојаност и континуитет.
119. Непрашан не одговара.
120. Прво своето, после заедничкото.
121. Ни да злоупотребуваш ни да те злоупотребат.
122. Сè е гол интерес? Е кога е гол.
123. Бегаш од мене бегајќи од себе.
124. Те мислам кога мислам љубов.
125. Страв од промени има оној кому му е секогаш од добро подобро.
126. Работиш за оној што зависи од твоето знаење и искуство.
127. Никаква штета за тебе од секојдневно читање. Само корист.
128. Еден подарок од љубов, друг од почит и внимание.
129. Што слушам проверувам, што гледам догледувам.
130. Голем чекор за мене рамо до рамо со луѓе.
131. За каква љубов? За една единствена.
132. За снаодливост без итроштина.
133. Заедно кога можеш сам. За полесно.
134. Не го препознаваш новово време? Значи, ти не си за него.
135. Товарот на минатото е претежок за оној што не го разбира или го оптоварил со лаги и измислици.
136. Најбрзо е снеможувањето од годините.
137. Не набрзина, туку навремено.
138. Без иднина:
Секој сам во својот круг.
139. До смрт и по неа-една права љубов. Непорочна и слободна.
140. Оригинално-несовршено, а вредно.
141. Било што било со вас-не чинело. Со други ќе биде што мора-за да чини.
142. Да величиме не академици, туку великани на човечката цивилизација.
143. -Ме сакаше?
-Те сакав.
-Веќе не?
-Како не?!
144. Следи на себеси доследни. Први. Не последни.
145. Врв над сите врвови-различен од сите.
146. -За кого?
-Не знам ти, но јас прво за себе. После може за друг или за други.
147. Вака, така, некако, но секако никако.
148. Многу силни војски на бојно поле, а полето заградено од сите страни со високи планини.
149. Слободен и ослободен од сè што ја ограничува слободата на скоро одживеан живот.
150. Во свој свет што сам го создаваш и надградуваш.
151. И досега и сега и отсега јас и ти на пат што нè прави сè подалечни.
152. Млади во партија, а шутраци, дудуци, лигуши, шути и рогати.
ДУМАЊЕ НА ГОЛЕМ И МАЛ ЧОВЕК XXV
.
