104. Карактер
Не се разликуваме според ставовите и мислењата, ама се разликуваме според цврстината на карактерот. Бидејќи често се двоумиш, се колебаш, внимаваш од каде и кон каде дува ветрот, не можеме да бидеме заедно. Oсобено не кон добра намера или благодатна цел.
Се разбира, дел од своите каркатери прилагодуваме еден на друг за сепак да не се оддалечиме премногу, та ни да не се познаваме.
Добри дела не прават лоши карактери.
Македонски народни пословици и изреки
Една мајка `и родила, еден табиет немаат.
Му легна на табието виното на пијаницата.
Волко длаката ја менуат, ама ќудта не ја менуат.
Пословици и изреки на народи во светот
На добар човек сè му стои добро. (Српска)
Полесно е да се премости река одошто да ѝ се промени карактерот. (Кинеска)
Добар карактер повеќе вреди одошто убаво лице. (Виетнамска)
Луѓето се заточеници на своите мани и чувари на своите добродетелства. (Јапонска)
И добриот човек и добриот коњ луѓето ги јаваат.(Шпанска)
Послушај што зборуваат за други и ќе знаеш што зборуваат и за тебе. (Шпанска)
Капка вода што ќе падне на врело железо ќе испари, истата капка ако на падне на лотосов цвет ќе блесне како перла, а ако падне на школка ќе стане бисер. Така човекот станува она со што се здружува. (Индиска)
Убавината на лицето се наоѓа во убавината на карактерот. (Арапска)
Латински изреки
Јас сум кој сум. (Ego sum, qui sum.)
Богатството го менува карактерот, но ретко кога на подобро.
Домисла, гесло, мисла водилка
Јаките карактери се разликуваат само според слабостите.
Литературнаја газета
Рекле, издумале
Во ситниците и надвор од догледот најдобро се открива карактерот на човекот.
Артур Шопенхауер
Изворот на нашата среќа е во субјективните особини: благородниот карактер, претприемничкиот дух, среќниот темперамент, ведриот ум и здравото тело.
Артур Шопехауер
Често карактерот на човекот е истовремено и негова судбина.
Ото Лудвиг
Кога се лошите луѓе среќни, стануваат неподносливи.
Есхил
Најдобрите луѓе се најдобри карактери.
Виктор Иго
Крактерот на човекот најдобро ќе го запознаеш кога ќе ти стане претпоставен.
Ерих Марија Ремарк
Повеќето луѓе мислат дека интелектот го прави голем научникот. Тие не се во право: тоа е карактерот.
Алберт Ајнштајн
Слабоста на ставот станува слабост на карактерот.
Алберт Ајнштајн
Некои карактери се свиткувачки, но и растегливи.
Станислав Јержи Лец
Во единството на карактерот се состои совршенството на човекот.
Имануел Кант
Вистинољубието е основна и најбитна црта на карактерот. Човек кој лаже нема карактер.
Имануел Кант
Нашите животи се отелотворение на нашите карактери.
Радакришнан
Силата на карактерот е над интелигенцијата.
Ралф Валдо Емерсон
Се чини дека луѓето не гледаат дека нивниот став спрема светот е исто така и признание на нивниот карактер.
Ралф Валдо Емерсон
Правете го она што го знаете и забележувањето ќе се претвори во карактер.
Ралф Валдо Емерсон
Судете му на својот карактер според она што го правите во соништата.
Ралф Валдо Емерсон
Знаењето може да ти даде моќ, но само карактерот почитување.
Брус Ли
Колку повеќе стареам, толку повеќе ги просудувам луѓето според нивниот карактер, а не според нивните погледи.
Џавахарлал Нехру
Оној што кажува само убави зборови, обично има лош карактер.
Блез Паскал
Треба да се умее да се поднесуваат лоши карактери, со кои е полн овој свет: на прометот му се потребни и златници и ситни пари.
Ла Бриер
Карактерот на човекот е негова судбина.
Хераклит
Карактерот не може да се обликува без патење, духот без задоволство.
Ернст фон Фојхтерслебен
Талентот се обликува во тишина, карактерот во буица на светот.
Јохан Волфганг Гете
Според нештата на кои им се смее човекот најдобро го покажува својот карактер.
Јохан Волфганг Гете
Интелигенцијата без карактер го прави човекот нецелосен.
Мишел Оклер
Само луѓето со најизвишен и најнизок карактер не се менуваат.
Конфучиј
Не значи дека песот е добар ако гласно лае. Исто така не значи дека човекот е добар ако е вешт со зборовите.
Чуанг Це
Расипаните луѓе почитуваат од страв; добрите луѓе од љубов.
Аристотел
Она сме што го работиме без престан. Затоа моќта на контрола на нашето дејствување е моќ на контрола на нашиот карактер, а моќта на контролата на нашиот карактер е моќ на контрола на нашиот живот.
Аристотел
Кој сее мисла, жнее акција; кој сее акција, жнее навика; кој сее навика, жнее карактер; кој сее карактер, жнее судбина.
Аристотел
Карактерот е она што знаете дека сте, не она што други мислат дека имате.
Марва Колинс
Ако сакате да видите нечиј карактер, дајте му моќ.
Абрахам Линколн
Јас имам сон дека моите четири деца еден ден ќе живеат во нација во која никој за нив нема да донесува суд врз основа на бојата на кожата, туку врз основа на нивниот карактер.
Мартин Лутер Кинг, Јуниор
Карактерот, а не околностите-го прават човекот.
Букер Т. Вашингтон
Карактерот е резултат на две нешта: менталниот став и начинот на кој го минуваме времето.
Елберт Грин Хабарт
Многумина луѓе не би го препознале својот карактер кога би го сретнале на пат.
Елберт Грон Хабарт
Карактерот не може да се развие во мир и тишина. Само низ искуството на обидите и грешките може да се зајакне душата, да се инспирира амбицијата и да се достигне успех.
Хелен Келер
Карактерот е организирана победа.
Наполеон I Бонапарта
Нашиот карактер е она што го работиме кога мислиме дека никој не гледа.
Хорас Џексон Браун Јуниор
Нема ништо пофатално за карактерот од наполу завршени работи.
Дејвид Лојд Џорџ
Несреќе е дека луѓето со добро срце така радо одат во друга крајност, ако некои недостојни карактери ги изневеруваат нивните мислења.
Фридрих Шилер
Ако отфрлиш чин, од него ќе израсне став. Ако отфрлиш став, од него ќе израсне карактер. Ако отфрлиш карактер, од него ќе израсне судбина.
Бела Хамвас
Вистинскиот карактер се гледа кога човекот е пијан.
Чарли Чаплин
За победа е потребен талент, за повторување на резултатот е потребен карактер.
Џон Вуден
Способноста можеби ќе те одведе на врвот, но само карактерот таму може да те задржи.
Џон Вуден
Луѓето кои имаат храброст и карактер на други луѓе им се секогаш непријатни.
Херман Хесе
Карактерот е основа на среќата, а среќата убиец на карактерот.
Џорџ Сантајана
Паметниот со својата нарав ќе владее, будалата ќе ѝ служи.
Публилиј Сириј
Мерило на човековиот прав карактер е она што би го направил кога би знаел дека никој за тоа не би дознал.
Томас Макозај
Карактерот не се создава во криза-само се искажува.
Роберт Фриман
Само е еден агол на вселената кој сигурно можете да го промените, а тоа сте вие самите.
Алдосу Хаксли
Премногу луѓе го преценуваат она што не се и го потценуваат она што се.
Малколм Форбс
Мораш да го направиш баш она што мислиш дека не го можеш.
Елеонор Рузвелт
Подобро да ве мразат поради она што сте, одошто да ве сакаат поради нешто што не сте.
Андре Жид
Да се суди за карактерот врз основа на едно однесување е исто како да донесувате суд за океан врз основа на еден бокал морска вода.
Пол Елдриџ
Најдобар тест на карактерот не е во тоа колку знаеме кога треба нешто да се стори, туку како се однесуваме кога не знаеме што треба да се стори.
Џон Холт
Силата на големите карактери е токму тоа што не избираат, туку се сосема според своето битие тоа што го сакаат и што го прават.
Георг Вилхелм Фридрих Хегел
Обичајот е како човекова втора нарав.
Марко Тулиј Цицерон
