99. Минато
Минатото е неизбришливо. Може времето да покрие нешто од него, некоја трага, некој дел од него со својата минливост, но совреме, со време или по време избива на поврвнина, на виделина.
Минатото на еден народ е дел од сушноста на неговото постоење во векови и низ векови на опстојување. Поважно од сè: негово вкоренување сосе денес и утре, непорекливо.
Кој посега по минатото на друг? Кој краде од нечие и го присвојува за себе, да стане дел од негово? Оној чие е сиромашно, со малку светли зраци и многу длабоки мрачнини. Оној чие е со многу повеќе смрти одошто со животи. А најмногу оној со скорешно вкоренување, кој од друг, од други освоил, одзел родна земја и насилно ја населил.
Пословици и изреки на народи во светот
Минатото е најдобар пророк на иднината. (Француска)
Оние што не учат од минатото се осудени да го повторат. (Англиска)
.
Латински изреки
Laudator temporis acti. (Фалбаџија на минати времиња.)
Quae fuerant vitia, mores sunt. (Што некогаш биле пороци, сега се обичаи.)
Домисла, гесло, мисла водилка
Минатото време никогаш не се враќа.
Анонимус
Рекле, изумиле
Оние што го забораваат минатото, се осудени да го повторуваат.
Џорџ Сантајана
Кој не се сеќава на своето минато, осуден е повторно да го проживее.
Џорџ Сантајана
Мораме да признаеме дека минатото е убаво само кога во нашите соништа, всушност во старите добри времиња со поезија, кои слатко ги дишеме, имало вулгарна и тажна наклонетост кон сите оние работи кои го прават секој свој човечки живот.
Анатол Франс
Нема потреба да се придржуваш на залудно жалење по минатото и да се тагува за промените што нè мачат, зашто промената е темел на животот.
Анатол Франс
Промените се закон на животот. А оние што гледаат само на минатото или на сегашноста, сигурно ќе ја пропуштат иднината.
Џон Фицџелард Кенеди
Не станува збор за ментално повлекување на голем раздел меѓу минатото и иднината, туку за реализација на мисла на минатото.
Карл Маркс
Ако имаш минато со кое не си задоволен, сега е момент да го заборавиш. Замисли некоја нова приказна за својот живот и поверувај во неа. Сосредоточи се само на моментите во кои си успевал да го оствариш она што си го сакал-и таа сила ќе ти помогне да постигнеш сè што сакаш.
Пауло Коелјо
Во кочиите на минатото не можете да отидете никаде.
Максим Горки
Без познавање на минатото е невозможно да се разберат сегашноста и целите на иднината.
Максим Горки
Напредокот не е обично поправање на минатото; тој е непрекинато движење спрема иднината.
Калил Џибран
Времето е зад нас, времето е пред нас. Штом ќе почнеш подолго да мислиш за она што било или за она што ќе биде, веднаш го губиш она што е главно: вистински живот во сегашноста.
Лав Николаевич Толстој
Она што минало не постои, она што ќе биде уште не дошло. Па што тогаш постои? Само онаа точка во која се спстануваат минатото и идното. Ете, во таа точка е сиот наш живот.
Лав Николаевич Толстој
Сè што знаевме во минатото, сегашноста и иднината е ништо во споредба со она што никогаш нема да го сознаеме.
Константин Циолковски
Иднината им припаѓа на оние што најдалеку и најдолго се сеќаваат на минатото.
Фридрих Вилхелм Ниче
Човекот е засекогаш врзан за минатото: без оглед колку далеку и брзо трча, синџирот трча по него.
Фридрих Вилхелм Ниче
Наш нов човек, наши нови патишта, наши нови идеи, наш нов капут, наша нова цел, наше ново минато, наш нов живот, наши нови закони, наша нова иднина, наши нови односи, наш нов излез, наша нова средина. Сè околу мене е ново, а мене ме фаќа нашиот стар страв.
Брана Црнчевиќ
Среќен е оној што знае на што да се сети од минатото, во што да ужива во сегашноста и што да планира во иднината.
Арнолд Х. Глазгов
Љубовта е една страст која не признава ни минато ни иднина.
Оноре де Балзак
Повеќе ми се допаѓаат соништата за иднината одошто историјата на минатото.
Томас Џеферсон
За да имате нова визија на иднината секогаш е потребно да имате нова визија на иднината.
Теодор Зелдин
Минатото е свето за нас; сите мртви се свети, дури и оние кои биле зли додека биле живи.
Томас Карлајл
Баш ни Бог не може да го промени минатото.
Папа Агатон
Не ме интересира минатото. Ме интересира единствено иднината зашто во неа имам намера да го минам остатокот на животот.
Чарлс Кетеринг
Го жалам минатото, се надевам на иднина, незадоволен сум од сегашноста-тоа е мојот живот.
Петар Илич Чајковски
Живејте ден по ден и вршете работа по работа. А потоа продолжете кон она што доаѓа после. Тоа има смисла. Не се обидувајте да живеете во минатото, сегашноста и иднината сè во ист час. Успешен е човек кој се научил да живее само во сегашноста, но секогаш се движи кон она што доаѓа после.
Норман Винсент Пил
Зарем никој не може да избега од своето минато? Зарем луѓето мораат да се вртат во круг, неспособни да ја изменат судбината што им е однапред одредена? И колку е крвно и психолошко наследството на среќите и несреќите, напредокот или запирањето.
Меша Селимовиќ
Минатото би требало да биде отскочна штица, а не лежалка.
Едмунд Бурк
Кој не гледа наназад, не може да гледа напред.
Едмунд Бурк
Минатото е лектира за тираните, а иднината Библија на ослободените.
Херман Мелвил
Да се измени минатото не значи да се измени еден настан, тоа значи да се изменат неговите последици кои се така речи безброј.
Хорхе Луис Борхес
Неодредена интуиција ми кажувала дека минатото претставува материјал од кој е создадено времето, затоа времето веднаш се претвора во минато.
Хорхе Луис Борхес
Ние нема да бидеме во можност да го истражуваме минатото. Би морале да ја затвориме сета војска во затвор.
Марко Виничио Черезо Аревало
Минатото е само почеток на почетокот, а сè што било е само зазорување на зора.
Херберт Џорџ Велс
Нека мртвото минато ги погреба своите мртви.
Вилјем Шекспир
Колку е минатото погорчливо, сегашноста е послатка.
Вилјем Шекспир
Секогаш е лесно да се заборави човековото минато и мислете само на неговата генијалност.
Дона Леон
Разликата меѓу минатото, сегашноста и иднината е само тврдоглаво прашална филозофија.
Алберт Ајнштајн
Необично е како секогаш мирисите најсиловито одвлекуваат во минатото.
Ренди Бахман
Минатото е единствена мртва работа која мириса слатко.
Едвард Томас
Минатото секогаш изгледа подобра одошто е затоа што не е овде.
Финли Питер Дан
Постои начин на гледање на минатото. Не се сокривајте од него. Нема да ве фати-ако не го повторите.
Перл Мејли Беј
Никогаш не смееме да жалиме по она што можело да се случи. Минатото кое не се случило е сокриено од нас како и иднината која не можеме да ја видиме.
Чилард Мартин Стерн
Секогаш гледајте на она што ви останало. Никогаш не гледајте на она што сте го изгубиле.
Роберт Харолд Шулер
Ако единствена работа која можеме да ја понудиме е подобрена верзија на минатото, тогаш денешнината може да биде само инфериорна вчерашнина. Хипнотизирани со слики од минатото, рескираме да изгубиме секоја можност за креативна промена.
Роберт Хјуисон
Побарајте во минатото водилка за иднината.
Роберт Џејкоб Гудкин
Минатото можете да го измените само ако го прифатите.
Т.С. Елиот
Единствено поради што жалам во врска со минатото е неговата должина. Кога пак би морала да го проживеам, би ги направила истите грешки. Само во пократко време.
Талула Брокман Банкхед
Луѓе кои мислат на минатото, немаат иднина.
Хермиона Гинголд
Минатото не умира. Човекот не може да го убие. Тоа е тука, тоа навалува на нас кога мислиме дека е многу далеку.
Мари Луис Фишер
Минатото не е стварно. Тоа е само сон.
Брет Истон Елис
Она што е во минатото најдобро ќе се сочува ако остане таму.
Џејмс Херберт
Времето минува, во тоа е проблемот. Сè помала е шансата што било да се стори.
Харуки Мураками
Ако често гледате наназад, се зголемува веројатноста за сопнување.
Ерих Марија Ремарк
Минатото и сегашноста се наше средство, само иднината е наша цел.
Блез Паскал
Секогаш почитувајте ги трагите на минатото.
Цецилиј Статиј
Она што минало, веќе не е.
Марко Тулиј Цицерон
Сè што минало е минато.
Хорациј
Секој ден е ученик на вчерашниот ден.
Публилиј Сириј
Минатото е полесно да се обвини одошто да се поправи.
Тит Ливиј
Денот што поминал е секогаш подобар од денешниот.
Овидиј
Покрај сета превртливост на судбината, најголема несреќа е да се биде среќен во минатото.
Боетиј
Веќе не е можно да се помине она што поминало; она што ќе се донесе уште не минало.
Нагарџуна
Понекогаш повеќе ни се допаѓа она во далечината:
Пријател кој е далеку од нас, денови кои минале дамна.
Мухамед Бабур
Не можеме да убедиме старец да не се сеќава на минатите денови.
Хуанг Јун-Јиао
Старо дрво подобро гори, стар коњ е посигурно да се јава. Стари книги е поугодно да се читаат, старо вино поугодно се пие, на стари пријатели најмногу може да им се верува.
Леонард Врајт
Оној што претерано ги почитува старите денови, станува смеа во модерните времиња.
Френсис Бекон
Иднината, бидејќи е сè, се перцепира како ништо; минатото, бидејќи е ништо, сите го перцепираат!
Чарлс Лам
Минатото е секогаш со нас, а сè што сме, сè што имаме доаѓа од минатото. Ние сме негова креација и живееме нурнати во него. Да не се разбира ова, да не се чувствува минатото…значи да не се разбере сегашноста.
Џавахарлал Нехру
Минатото го карактеризира неподвижност, постојаност. Не се менува и носи печат на вечноста, како маслена слика или бронзена или мермерна статуа.
Џавахарлал Нехру
Добро е таму кај што нè нема; во минатото веќе нè нема, а изгледа убаво.
Антон Павлович Чехов
Минатото е гробница на нашите мртви чувства.
Кристијан Нестел Бови
Минатото е мртво како расипана грамофонска плоча. Да се протера минатото е неблагодарна задача, а ако сакате да се убедите во тоа, одите на местото на своите минати битки.
Ернест Хемингвеј
Мораме да го земеме огнот од минатото, а не пепелот.
Жан Жорес
Кога умира писател, почнуваат да го преценуваат неговиот труд. На ист начин, кога човек умира почнуваат да ја преценуваат неговата улога меѓу нас. Тоа значи дека минатото е сосема создадено со смртта која ја населува со илузии.
Албер Ками
Никому не му е дадено да го врати минатото. Мораме да одиме, да го продолжиме својот пат и е бескорисно да се гледа наназад.
Ромен Ролан
Опседнатоста со минатото е веројатна, па поради тоа и мошне популарна пригода да си ги врзете рацете и нозете.
Алфред Адлер
Во нашите мисли минатото е поделено на столетија, а освен за столетија нема место за ништо друго.
Елијас Канети
Не допуштајте минатите времиња да ве искриват со писма од тие години.
Елијас Канети
Премногу е минато во нас. Премногу незначително напредуваме.
Елијас Канети
Во минатото ништо не е неповратно изгубено, но е сè сочувано.
Виктор Франкл
Строго зборувајќи, лет во минато е исто што и лет во идеал.
Вилхелм Винделбанд
Не можете да гледате наназад и да барате критериуми во минатото. Уште е полошо да ги барате во некој систем.
Освалд Спенглер
Не постои универзален пат назад. Постои само движење напред, иако непознати длабини и далечини ни кружат околу главата, иако пред нас зјапа блиска иднина како понор во магла. Иако враќање во минатото нема, минатото може да ни пружи поучна поука, патоказ.
Јохан Хуизинга
Секое порекнување на минатото, секоја негова неселективност е зло и заблуда.
Семјон Лудвигович Франк
Минатото се спознава во сегашноста, од сегашноста, низ сегашноста.
Лев Карсавин
Минатото е стварност која ја памети сегашноста.
Лев Карсавин
Антиката му се восхитува на небесниот свод.
Александар Федорович Лосев
Само кога се занимава искрено со измислена бајка за минати настани, човекот се согласува да ја преземе одговорноста за нив и да ги смета минатите настани за свое минато.
Ханах Арент
Она што се случило неодамна е постаро или помладо?
Габриел Оноре Марсел
Некој детал, најбезначаен и најдолговечен, се појавува како врв, додека цели слоеви на моето минато изчеснуваат без трага.
Клод Леви-Строс
Минатото ѝ го блокира патот на иднината.
Роберт Валсер
Минатото мора да се прифати онакво какво што е. Не ни задаваат удари сега, туку оние што сме ги претрпеле.
Стефен Кинг
Минатото може да биде претешко за да го носите со себе насекаде. Понекогаш е вредно да се заборави на тоа поради иднината.
Џоан Кетлин Роулинг
Ме сјае ли денес сонце за да се осврнам на вчера?
Јохан Фридрих Шилер
Неверојатно е како брзо се затворате од минатото кога имате нешто во рацете и главата. Можете да преживеете сè, дури и најстрашна болка. Само ви треба нешто што ќе ви го одврати вниманието.
Чак Паланиук
Живееме во некој вид рамнодушност спрема сè, во најтесен хоризонт, без минато и иднина.
Виктор Владимирович Кунин
Посебноста на духовното минато е во тоа што, за разлика од историското минато, не го растураат потомци.
Сигмунд Фројд
Она што минало, но ни останало во сеќавање, тоа е сегашност.
Тадеуш Котарбински
Архаичниот свет бил многу помалку компактен од светот што нè опкружува, па се доживувал како помалку компактен.
Паул Карл Фајерабенд
Оние што живееле пред нас постигнале многу, но ништо не довршиле.
Луциј Анеј Сенека
Минатите генерации не ни оставиле толку готови решенија на прашања, колку најмногу прашања.
Луциј Анеј Сенека
Минатото не може едноставно да се сосече со силен удар на секира. Треба да одгатнеме што е во старото мртво и што му припаѓа на гробот, а што е уште живо и достојно за живот.
Фјодор Иванович Шалјапин
Сè добро и корисно што дошло до нас од дамнина мора да се следи, но и да се создаваат нови корисни и добри работи.
Мао-цу Мо Ди
Минатото е наменето да ни служи, но можеме да го преземеме само ако се покорува на сегашноста.
Ралф Валдо Емерсон
Блазе си му на оној што ги чести предците со чисто срце.
Јохан Волфганг Гете
Луѓето никогаш не се задоволни со сегашноста и, од искуство, немајќи многу надеж во иднината, го украсуваат неповратното минато со сите бои на својата фантазија.
Александар Сергеевич Пушкин
Да се биде горд со славата на своите предци не само што е можно, туку и мора; да не се почитуваат, тоа е срамотен кукавичлак.
Александар Сергеевич Пушкин
Едно огледало е поважно од цела галерија предци.
Волфганг Менцел
Најдобар начин да го вратите минатото е да се присетите на сè што сте доживеале.
Бенџамин Франклин
Мртвата историја повторно се раѓа, минатото станува сегашност ако тоа го бара самиот живот.
Бенедето Кроче
Спомените се волшебни предмети за облекување кои не се трошат со користење.
Роберт Луис Стивенсон
Ако би морал да имам минато, ќе преферирам да биде повеќекратен избор.
Алан Мор
Ако не уживате во она што се случува токму сега, тоа значи дека живеете во минатото и сте само наполу жив.
Мигел Ангел Руиз
Ги фрлам своите грешки од минатото и ја посматрам својата иднина.
Грин Деј
Божествено право на кралевите било големо политичко празноверие на минатото; празноверието на сегашноста е божествено право на парламентот.
Херберт Спенсер
Човекот не е логичен и неговото интелектуално минато е рекорд на ментални резерви и компромиси. Тој зависи од она што е во неговата моќ во своите стари уверувања и кога е принуден да го предаде својот логичен темел.
Џон Девеј
Можете да научите од вашето минато, но не можете да го промените.
Николас Спаркс
Минатото е како приказна во која едно чувство води кон друго, а светот не е бескрајна мистерија, туку нешто конечно што е можно да се сфати.
Кенет Фолет
Минатото постојано се менува-но се ретки оние што го разбираат тоа.
Франк Херберт
Колку повеќе лутина спрема минатото носите во своето срце, помалку сте способни да сакате во сегашноста.
Барбара Де Анџелис
