ИСКРЕНОСТА
На искреноста, најчесто заедно со чесноста, ѝ е најтешко. Ја почитуваат, ја посакуваат, а ја злоупотребуваат и исмејуваат.
Македонски народни пословици и изреки
Луѓето простуваат сè, освен искреност.
Не му го откривај на секој човек своето срце.
Слабаците не можат да бидат искрени.
Опасно е да бидеш искрен ако не си глупав.
Улогата на искрениот човек е тешка ем мачна.
Искреноста је појќе на сон, одошто на јаве.
Пословици и изреки од народи на светот
Искреноста е единствен начин на мамење кој понекогаш сè уште успева. (Француска)
Искреноста обично доведува до пропаст. (Италијанска)
Ја сакаме искреноста само кај оние што нè сакаат, а искреноста на другите ја нарекуваме безобразие. (Англиска)
Кога луѓето би се гледале отворено, би бегале едни од други. (Руска)
Малку искреност е опасна, а многу кобна. (Германска)
Поискрена е насмевката на очите одошто на усните. (Српска)
Тешка будала е човек од кого бараат искрено мислење и тој го дава. (Арапска)
Барајте искреност, макар и со неа да се држите во пропаст, само во нејзе е спасот. (Италијанска)
Биди искрен и чесен. Не лажирај ништо. Така стекнуваш почит и доверба. (Француска)
На човек кому му ја зборуваш вистината искрено и чесно, ти всушност му подаруваш подарок. (Турска)
Латински изреки
Доцното покајание ретко е искрено. (Poenitentia sera raro est vera.)
Едноставноста е признак на искреност. (Simplex sigillum veri.)
Искрениот совет, кој од почеток е непријатен за слухот, потоа станува пријатен. (Verum consilium, quod initio auditu grave est, postea fit iucundum.)
Оној што сака искрено, казнува сурово. (Qui bene amat, bene castigat.)
