Македонски народни пословици и изреки
Коа не се страми, страм да го јади.
Кој си загубил срамо, та ти да го најдеш.
Ни срам има, ни очи.
Од страв чоек побегнуа, а од страм не можит.
Не ет страмота да прашаш за тоа што не знаиш.
Од господа греота, и од луѓе страмота.
Простотилак срамотилак.
Самотија- страмотија.
Страмотата седит во безработата.
Мала работа (е, ама) голема страмота (донесвит).
Од мала причина многупати произлегува голема штета.
Пословици и изреки од народи во светот
Не е срамота да се падне в кал, туку да не се сака да се стане. (Италијанска)
Срамотата е подолга од животот. (Арапска)
Извалканата свиња настојува и другите да ги извалка. (Англиска)
Додека човекот сам не се посрамоти, не може никој да го посрамоти. (Балкански народи)
Ако кокошката сама не си истури земја врз глава, тоа никој нема да ѝ го стори. (Курдска)
Кога кравата ќе се извалка, радо би ги видела другите крави извалкани. (Германска)
Валканите алишта никаде не се чисти. (Германска)
Кој запаѓа во срамота, радо вовлекува и други. (Германска)
Срамотата ги стасува оние што ќе ја повикаат. (Германска)
Најголема срамота е да не се срамиш од својата срамота. (Кинеска)
Силните ги победува срам, а слабите страв. (Унгарска)
Кој од луѓе не се срами, ни од бога не се плаши. (Српска)
Срамотата е подолга од животот. (Српска)
VOX POPULI-Гласот на народот, народни пословици и изреки
