Нечие небо над мене
се распослало
не знам од кога
не ми се чини одамна
исто како што
не ми се гледа цело
туку како парче
кое успеало некако
да се оттргне
од некоја целина
може од единство
на неба собрани
како околу молња
за да се договорат
каде натаму.
Не знам дали за мене
се распослало
затоа што сум жив
уште
или дека се сите дамна
на своите хоризонти.
ВНАТРЕШНИ СОДРЖИНИ, Пустелија, поетска студија,16
