451. На почеток
Прв живот во семе
пред последен крај.
452. Часкум
Се најде пред тебе
како да те познава.
453. Итам
Јас кон хоризонт
далечен и близок.
454. Светол зрак
Продрел светол зрак
во мрачна празнина.
455. Те молчам
Неизмерен молк, а
ние сами меѓу нас.
456. Што
Што оти не знам што
било исто ко да не било?
457. Порта
Стои порта до небо на ветар
затворена и ширум отворена.
458. Радување
Големо радување
на разминување.
459. За напред
Стоиш во место сам
за напред кон никаде.
460. Пламени
Пламени во говор
што едвај се слуша.
БИДУВА, поезија/двостишија