Нашата близост е
од дамнешно време
во кое немаше
ни ронка нечие
ни ничие или сечие.
Не е иста каква
што беше некогаш.
Некогаш е поблизу
од кога било
и до кога ќе биде.
Каква е сега
нека биде да е
ко никогаш досега
меѓу нас.
И ние и кој било друг
да не ја надмине
ниту да ја совлада
немоќна некоја
наша далечина.
Делиме заеднички сон
во ноќ со нов живот
за грижно постоење.
ПРЕПЕВ НА ПЕВ И ПОВЕВ, Разурнат град на птици, поетска инсталација, 49
