Веќе доста долго
може дури предолго
трае неговото последно
успокојување
по многу беспокојни
приклученија
кои некако успеал
да ги преброди.

Се работи за премин
од една во друга
состојба на духот
и од една до друга
преобразба на телото.

Истовремено е крајно
задоволен оти веќе нема
ниедна негова јанѕа
од јава во јазол на свет
и заумен и стварен
која тргнува
од мразнина
или од жештина
за да заврши
во говор незаживеан.  

ЈАНЅИ ОД ЈАВА ВО ЈАЗОЛ, Новота, стихозбирка, 72