29. Предизвик
Еден предизвик
По многу што биле
Од дамнина до сега
Како најголем прв
Што не е последен.
Соочување
Или отстапување
Можеби противење.
А што во него
А што со него
Рамнодушно.
30. На покрив
На покрив е
За да затвори
Дупка во него
Од облак и молња
Направена.
Пробиен покрив
Низ кој влегува
Сè
Што се случува
И може допрва
Да се случи
На небо.
31. Нож
Во спокојни раце
Нож со сечиво
Што собира зраци
Светлина.
Нож спокоен дека
Нема да се случи
Крвава рана
во немирен сон
Или во сурова
Стварност.
32. Тече река
Дека е река
Тече река
Од далеку
Многу подалеку
Предалеку.
Има брегови
Камени
Кои не ѝ даваат
Да се излее
Од свое корито
Да поплави сè
Па
Да си направи
Ново.
Немоќен е човек
Пред факт дека
Е река.
Тече река.
33. Студ
Им навлегол студ
Во коски сè до
Нивната срцевина.
Очигледно
Ќе остане долго
Во нив.
Можеби до смрт
нивна.
Мора да ги движи
Да ги буди
Да не измрзнат.
34. Умност
Нема умност
Некој што мисли
оти може нешто
Против
Веќе направен
Лавиринт
Во кој никој
Нема потреба
Да живее.
Што значи дека
Нема зошто
Да излезе од него.
35. Верба
Верба има некој
Што верува
Во нешто кое
Е не за еден
А за многу
За верување.
Верба нема
Никој или секој
Што се сомнева
Дека вербата
Сама по себе
Може исто
Како да не може.
Да оди сам кон
Неизвесен крај.
СУШТИНИ, зборопој/зборови за пој, елементарна поезија, 29-35