22. Голина
Се распострела
Голина
Од нигде до негде
Пред очи заскитани
Во празна тишина.
Којзнае од кога
Е нежива ко жива
Распрострелана.
Голина близу
Голина далеку.
23. Нижење
Се нижи мака
На стари луѓе
Со коски кои
Се збираат
За умирачка.
Конецо се кине
Па се врзува
Во јазли
Па е сè повеќе
Јазлест.
А и иглата
Веќе отапела
Од долго
Нижење мака.
24. Прсти
Ту си ги збира
Прстите
Ту си ги витка
Човек.
Ту си ги крши
Во таен молк.
Ту збори
со прсти.
25. Вез
Навезе везилка
Вез на радост
На рожба своја
Далечна.
Вез јадовен
Дека го везела
Дури била жива.
26. Без
Без ова сега
без она сега
За без ништо
Некогаш.
Без последен човек
Без пустина
Без ветар.
Без оган што тлее
Во корен.
27. Ризикарна
Она е ризикарна
Конечно
Зашто знае
Дека ризикарна
Има зошто
Да се надева
Дека ќе биде
Ризикарна
Откако ќе успее
Да се престори
Во птица
Што знае да лета.
28. Лагодно
Лагодно лагодно
Само лагодно
За лагодност дека
Веќе се лагодни
Сите лагодно
Живи.
Се лагодат
Во лагодност
Лагодно будни.
СУШТИНИ, зборопој/зборови за пој, елементарна поезија, 22-28
