ВО ШУМА МЕЃУ ПЛАНИНИ И НА РАБОВИТЕ НА ПРОВАЛИИТЕ ШТО ЈА ДЕЛЕА ОД НИВ ПРЕКУНОЌ НИКНА НОВ ГРАД. ВСУШНОСТ, НЕ НИКНА ПРЕКУНОЌ, НИКНУВАШЕ НЕКОЛКУ ГОДИНИ НА РЕД. НА ЛУЃЕТО ШТО БРЗО ГО НАСЕЛИЈА И НЕПРЕСТАНО ГО НАСЕЛУВААТ, ПАК, ТАКА ИМ СЕ ЧИНИ ЗАТОА ШТО ШУМАТА Е ГУСТА, ВИСОКА, РЕЧИСИ НЕПРООДНА, А И ТЕШКО МОЖЕ ДА СЕ ДОГЛЕДА НЕШТО ВОН НЕА.
НОВ ГРАД КАКО СЕКОЈ НОВ ГРАД ШТО НИКНУВА КАДЕ БИЛО ДЕНЕС ЗА ДЕНЕС И ДО УТРЕ ВО УТРЕ. НО, ОВОЈ СЕ ИЗДВОЈУВА ОД ДРУГИТЕ ВО БЛИЗИНА И ДАЛЕЧИНА, ПОТОЧНО СЕ РАЗЛИКУВА ОД НИВ СПОРЕД ЕДНО НЕШТО НЕОБИЧНО: СПОРЕД ТВРДИНАТА ОД НЕИЗДЕЛКАНИ СТЕНИ СО КОЈА Е ОБЅИДАН. САМО НА НЕЈЗИНАТА ИСТОЧНА СТРАНА ИМА ГОЛЕМА ЦРНА ЖЕЛЕЗНА ПОРТА. НИЗ КОЈА ЕДИНСТВЕНО МОЖЕ ДА СЕ ВЛЕЗЕ И ИЗЛЕЗЕ.
НЕКОИ ОД ЖИТЕЛИТЕ, КАКО И ОД ЛУЃЕТО КОИ НАДОАЃАА ОД СИТЕ СТРАНИ ЗА ДА ВЛЕЗАТ И ДА СЕ НАСЕЛАТ ВО НОВИОТ ГРАД, СЕ ПРАШУВАА ОД КОГО СЕ БРАНИ ТОЈ СО ТВРДИНА ОД НЕИЗДЕЛКАНИ СТЕНИ. НЕМАА ОДГОВОР, НЕ ГО НАОЃАА МЕЃУСЕБНО, ПА ЗАКЛУЧУВАА ДЕКА СО НЕА Е ОБЅИДАН ЗАТОА ШТО Е НАЈНОВ НИКНАТ ВО ШУМА МЕЃУ ПЛАНИНИ И НА РАБОВИ НА ПРОВАЛИИ.
НАСЛОВИ (СЀ ВО НАСЛОВ), насловна проза 50
