Momentum XX
Човекот излезе на прошетка,
патем да купи стихозбирка
од современ поет.
Глас 3
Но, изгуби многу време читајќи ги предговорите и поговорите, па одвај успеа да си купи чорапи. За ова се предлага следнава аналогија: поезијата е во криза.
Глас 6
Внимавај на зборот криза. Не како што знаеме.
Глас 4
Зошто сега тоа?
Глас 8
Затоа што чорапите треба да ги менуваме секој ден.
Глас 3
Веќе рековме: носиме дрвени чевли.
Фобија.
Страв годишните времиња
да се гледаат од високо.
Сѐ е безначајно штом
не ја следиш нашата
чудесна игра со кучињата
кога сме на стража
да ја дочуваме маглата
и храната со зеленчук
и овошје.
Ја стегаме облеката во нас,
а кучињата молчат
како да се плашат
од случајно доаѓање
на некој чуден лик и
друго небо како relictus.
Само наслушнуваме кога
маглата полека се мие,
ја суши косата, а заборава
да си ја прибере водата.
Само наслушнуваме:
кучињата своето движење
ѕвонливо помеѓу ѕвездите
со шепите како да им се
во лименки
се во напор да најдат малку
месо на коските
modus procedendi.
Ние, изморени од ноќ
и од полноќ едновремено,
коњи со едно око и со заб;
дека ни ги стегаат градите
за од возбуда да заборавиме
како го стрелавме просторот
од високо.
