Клокот

Автор: Љупчо Димитровски

03/09/2025 | 20:16 ч.

Сподели со други

Од далеку слуша клокот
Досега нечуен
Како да се случува првпат
По одмолчено време.

Не слуша само он
И луѓе како него
Туку секој што премалел
Од жештини и студенини
Во беспатје
Па веќе му е сееедно
До кога уште ништожно.

Се прашува да не е клокот
На нов извор бистра вода
Кој штотуку почнал
Да заживува.

А да не е клокот
На подземен оган
Се прашува.

ЈАНЅИ ОД ЈАВА ВО ЈАЗОЛ, Превирања, стихозбирка, 46

Важна напомена: Сите права се задржани. Не е дозволено било какво преземање на делови или цели содржини, ниту во оригинал ниту како извор и преработка за други содржини, без одобрение на авторот и/или издавачот (сопственикот) на овој портал. За секоја злоупотреба-непочитување и злоупотреба на правата, издаваме фактура со задолжителна финансиска обврска.

За авторот: Љупчо Димитровски

Долгогодишен радио и ТВ новинар, писател и медиумски уредник со повеќе од 40 години искуство во електронските медиуми. Автор е на над 150 книги и основач на порталот Panoptikum.mk, како продолжение на култната емисија „Паноптикум“, со силен фокус на комуникација и новинарство.

За повеќе написи од авторот кликни тука.