ДУРИ ИГРААТ ЗБОРОВИ, сосем слободни песни
19. Избирам
Од мои зборови
собрани во игра
на крв изворна
кои уште сè уште
имаат сила
да заречат неречено
со надеж дека нема
да остават нешто
недоречено
ниту немислено
избирам неколку
кои ми се чинат
силни и доблесни
да издржат налети
на ветришта
со секавици
па почнувам до небо
да ѕидам тврдина
која до заборав
ќе ја брани сржта
на моиве
онемени коски.
(Автор: Љупчо Димитровски)
