Сè предупредува
дека е близу до крај
некој или нечиј
оваа можна смисла
на постоење
на немост без трага
во бестрага.
Меѓу сè уште сè живо
и сè уште сè мртво
додека се случува
будење на гласови
ту громки ту нечујни.
А никој да одгатне
дали е и колку е близу
некој или нечиј крај
во штотуку
зародена смисла
по залуден обид
да се надмине немост
без трага во бестрага
како никогаш во луѓе
да не постоела.
=== Бесплатно рекламирање ===
ПРЕПЕВ НА ПЕВ И ПОВЕВ, Сетне, поетска инсталација, 69
