Зошто вапсуаме јајца црвени на Велигден

0
34

Коа го предадоа Риста на Евреите да го мачат и да го ругаат, при сите лошотии што му ги напраија, го плукаа, го ‘ркаа, а пак едни со неварени јајца фрлаа на него. Јајцата се кршеа од глаата Ристосоа и течеа по лицето и снагата.

Откоа воскресна Ристос, како крстот што го почестија, како венецо, трската, така и јајцата `и почестија и се дало блаослов да се вапсуаат црвени и да се даваат еден другему на Велигден и да си велат „Ристос воскресе!”

* * * * * *

Едни велат оти коа воскресна Ристос, идејќи некои жени во Јерусалим на пазар со јајца да продаваат, `и стреле други жени, одејќи си од Јерусалим, и му кажале оти Ристос воскресна, а пак тие не поверуале и рекле вака:

-Коа ќе се вцрват јајцава од кошнициве, тогај и Ристос од умрените ќе воскресни!

И-о чудесија голема-на часот се беа вцрвиле јајцата.

Ете, и од тоа се прикажуа ѓоамити било.

* * * * * *

А пак и вака се прикажуат: како што воскреснуа јајцето (демек се опилуа), така и Ристос воскреснал.

(Заб. Марко Цепенков)

There are no comments yet

× You need to log in to enter the discussion