ПАНОПТИКУМ

Романот не е дел од стварноста, неа не ја обработува, туку ја создава, ја обликува и ја продолжува во свеста на читателот. Неговата слоевитост го продолжува доживувањето, ги продолжува настанот и времето во една друга, според многу нешта виртуелна стварност. Оваа основна карактеристика на новиот- модерниот роман значи едновремено и негово продолжение, постојана отвореност на неговите страници. Читателот е поставен пред нова задача: да го открие, да го протолкува и прифати светот во него како дел од сопствениот, од сопствената...

Поразително е кога речиси секој прашан, особено од младата популација (секоја чест на ретките исклучоци): која му е најголемата цел од животот, одговара: „Да станам богат“. Ваквиот одговор може да се елаборира односно анализира од најразлични агли и аспекти, но во овој контекст само ќе посочам на проблематичноста на богатството (што е тоа; кој како го разбира) и на неговиот „третман“ од страна на социолозите и психолозите. Проблематичноста произлегува најнапред од достасаните стандарди во животот, та „богатството“ е сѐ она што...

Оној што има барем просечни познавања од економијата и финансиите, барем површно ги следи светските економски текови, прво воопшто не би ја прашувал Владата (ресорниот министер) дали Република Македонија е во рецесија или не (демек, Владата „да признае“), а второ би барал- предлагал внимателни, темелно осмислени и долгорочни мерки за нејзино совладување. На човек да му се смачи читајќи- слушајќи некои новинари- медиуми и партиски војници со каков дилетантизам ги „мешаат“ актуелните глобални, регионални и локални- македонски економски прашања и...

Си го поставувате ли поначесто прашањето: зошто работејќи не заработувате повеќе пари, па и нешто повеќе од пари? Се разбира, се мисли пред сѐ на задоволствотво во и од работата. А што ако работите на погрешно место? Можете тоа сами да го откриете? Ќе се разочарате: тешко, доколку не пробате, доколку не ризикувате. А во нашава земја да ризикувате со тоа што, на пример, самоволно ќе го напуштите одвај дочеканото, пронајденото прво вработување, за да проверите да не ви е...

Токму така ги нарекуваат-ги назначуваат делата на најзначајниот претставник на скандинавскиот дизајн Арне Јакобсен. Во светот е познат според своите столици со меки и хармонични линии, но и според други трајни творби на секојдневната покуќнина. Живеел од 1902. до 1971. година и извршил огромно влијание врз менувањето на културата на становањето во периодот непосредно по Втората светска војна. Архитект, пасиониран вљубеник во сликарството и градинарството, во своето творештво постојано, како што забележува критичката мисла, настојчиво се стреми кон рафинирана симбиоза...

Во уметничките дела тие се прикажани различно: пролетта како јагне, јаре, џбун, цветен венец; летото како змеј што рига пламен, сноп жито, срп; есента како зајак, гранка винова лоза, рог на изобилство преполн со овошје; зимата како дождалец, дива патка и др. Метеоролозите ги дефинираат четирите годишни времиња во повеќе климатски области, а се разграничуваат според вредноста на нивните просечни температури на месечно ниво. Секое годишно време трае три месеци. Според дефиницијата, трите најжешки се лето, најстудените зима, а просечните се...