Маркетинг тортура

0
17

Никој повеќе од рекламните агенции не би сакал да ни ги прочита мислите за она што имаме намера да го купиме. Се разбира тоа е (беше досега) невозможно, без оглед што се однесуваат како да им е тоа одамна совладана „лекција“; со некакви-секакви анкети и истражувања тврдат дека знаат, им гарантираат „успех“ на оние што им се „предаваат в раце“. Може да се рече дека станува збор за нивна „најбенигна“ манипулација од сите што ги прават, а само за да заграбат што поголем дел од маркетиншкиот колач (како „посредници“ помеѓу производителите односно давателите на услуги и нивните консументи).

Меѓутоа, некои од новите технологии, кои рекламните агенции почнуваат да ги користат, би можеле да бидат и по малку проблематични.

Повеќето Американци до моментот кога наутро ќе стасаат на работа веќе биле бомбардирани со над 200 огласи. Од влегувањето во метро до паркинг гаражата, работното место, во меѓупросторот до „колегијалното“. Потрошувачите сега се соочуваат со огласи и на места каде што досега не биле.

Стручњаците за маркетинг велат дека претераното огласување престанува да произведува ефекти. Бидејќи потрошувачите се бомбардирани со толку реклами и огласи, тие почнуваат да се исклучуваат. Тоа прераснува во некој вид монотона бучава.

И кај нас, особено на нашите електронски медиуми, пред сѐ телевизиите, има такви сѐ побројни примери без дилема контрапродуктивни. Можеби „најеклатантен“ е примерот со еден кабелски односно сателитски оператор (пренесувач на ТВ програми) , чија реклама на една ТВ се емитува речиси на секои 3-4 минути, па на гледачите одамна им е дојдена „преку глава“.

Меѓутоа, најновите технологии на огласувачите би можеле да бидат по малку вознемирувачки, да личат на сцените од научно-фантастичните филмови. Во американските шопинг молови веќе се поставуваат-се поставени плазма екрани кои имаат вградени уреди за анализа на вашето лице, за да се одреди вашиот пол, а можеби и годините на староста и етничката припадност, а потоа се емитува соодветен оглас.

Некои синџири на супермаркети ја тестираат оваа технологија на „свој начин“: ја провлекувате својата картичка и на екранот се појавува листа на артикли кои сте ги купиле последниот пат, со сугестии за нови производи.

Компаниите секако сакаат информации за вашиот можен избор, но е прашање како ќе ги употребат. Ако вашата агенција за здравствено осигурување добие податоци за вашата исхрана, таа би можела, врз основа на тоа, да ви ја зголеми премијата.

Продавачите го следат вашето однесување и на други начини, за кои можеби не сте свесни. Следниот пат кога ќе купувате чевли новите технологии ќе можат не само да регистрираат кои чевли сакате да погледате, туку и колку долго ги држите в раце.

„Главната“ цел е што подобро да се сфати психологијата на потрошувачите, на некој начин да се прочитаат нивните мисли, а „споредната“…

There are no comments yet

× You need to log in to enter the discussion